വെള്ളം സിനിമ കണ്ടതോടെ മദ്യപാനം ഉപേക്ഷിച്ചു: അജു വര്‍ഗീസ്

ജയസൂര്യ നായകനായി എത്തിയ വെള്ളം എന്ന സിനിമ കണ്ടതോടുകൂടിയാണ് തന്റെ ജീവിതത്തില്‍ നിന്നും മദ്യപാനം ഉപേക്ഷിച്ചതെന്ന് തുറന്നുപറഞ്ഞ് നടന്ന അജു വര്‍ഗീസ്. ഒരു തമാശക്കായിരുന്നു മദ്യപാനം ആരംഭിച്ചത് എന്നും എന്നാല്‍ പിന്നീട് അത് ഒഴിവാക്കാന്‍ സാധിക്കാത്ത അവസ്ഥയില്‍ താന്‍ എത്തിയിരുന്നു എന്നുമാണ് അജു വര്‍ഗീസ് ഇപ്പോള്‍ തുറന്നു പറഞ്ഞത്. എന്നാല്‍ വെള്ളം സിനിമ കണ്ടതോടെയാണ് തനിക്കൊരു തിരിച്ചറിവുണ്ടായത് എന്നും ഇതിന് മാറ്റം വരുത്തണമെന്ന് തോന്നല്‍ ഉണ്ടാവുകയും ചെയ്തു എന്നുമാണ് അജു വര്‍ഗീസ് വ്യക്തമാക്കുന്നത്.

മദ്യപാനം പരിധിവിട്ട് നിന്ന സമയത്തായിരുന്നു ഒടിടിയില്‍ വെള്ളം സിനിമ കാണാനിടയായി. എന്നെങ്കിലും മുരളിയുടെ അവസ്ഥ തനിക്കും വന്നുചേരും എന്ന തോന്നല്‍ ഈ സിനിമ കണ്ടപ്പോള്‍ തന്നെ ഉണ്ടായി. അവിടെ നിന്നാണ് ജീവിതത്തില്‍ ഒരു ശീലമായി തുടങ്ങിയ മദ്യപാനം നിര്‍ത്താന്‍ തീരുമാനിച്ചത്. മാനസിക സമ്മര്‍ദ്ദവും പിരിമുറുക്കവും വരുമ്പോഴാണ് ഇതുപോലുള്ള ശീലങ്ങള്‍ കണ്ടെത്തി തുടങ്ങിയിരുന്നത്. പിന്നീട് മദ്യപാനം ഒരു പരിധി കഴിഞ്ഞ് മറ്റുള്ളവര്‍ക്കും ബുദ്ധിമുട്ടാവാന്‍ തുടങ്ങിയെന്നും വര്‍ഗീസ് വ്യക്തമാക്കുന്നു.

പിന്നീട് ജയേട്ടനോടും താന്‍ ഇക്കാര്യങ്ങള്‍ പറഞ്ഞിരുന്നു വളരെ വൈകിയായിരുന്നു ചേട്ടനോട് കാര്യങ്ങള്‍ പറയാന്‍ സാധിച്ചത്. നിര്‍മ്മാതാവായ മുരളി ചേട്ടനോട് ഈ കാര്യം പറഞ്ഞിരുന്നു. അദ്ദേഹത്തിന്റെ ജീവിതമായിരുന്നല്ലോ ആ സിനിമക്ക് പ്രചോദനമായത് എന്നും അജുവര്‍ഗീസ് പറഞ്ഞു