അന്താരാഷ്ട്ര ചലച്ചിത്രോത്സവത്തില്‍ പ്രദര്‍ശിപ്പിക്കാന്‍ ഫാര്‍മ

നിവിന്‍ പോളി നായകനായി എത്തുന്ന വെബ് സീരീസ് ഫാര്‍മ 55 മത് ഇന്റര്‍നാഷണല്‍ ഫിലിം ഫെസ്റ്റിവല്‍ ഓഫ് ഇന്ത്യയില്‍ ഇന്ന് പ്രദര്‍ശിപ്പിക്കും. വൈകുന്നേരം 4:45ന് ഗോവയിലെ പനാജിയിലെ INOXല്‍ നടക്കും.

ബോളിവുഡ് താരം രജിത് കപൂര്‍ വെബ്‌സീരിയില്‍ പ്രധാന വേഷം കൈകാര്യം ചെയ്യുന്നുണ്ട്. അദ്ദേഹത്തിനൊപ്പം ബിനു പപ്പു, മുത്തുമണി, വീണ നന്ദകുമാര്‍, അലേഖ് കപൂര്‍ എന്നിവര്‍ അടങ്ങിയ മികച്ച താരനിരയും ഇതില്‍ അണിനിരക്കുന്നു.

മൂവീ മില്‍സിന്റെ ബാനറില്‍ കൃഷ്ണന്‍സേതുകുമാര്‍ ആണ് സീരീസ് നിര്‍മ്മിക്കുന്നത്. ജെക്‌സ് ബിജോയാണ് ഫാര്‍മ്മയ്ക്ക് സംഗീതം ഒരുക്കുന്നത്. അബിനന്ദന്‍ രാമാനുജം ഛായാഗ്രഹണവും ശ്രീജിത്ത് സാരംഗ് എഡിറ്റിംഗും നിര്‍വഹിക്കുന്നു. യഥാര്‍ത്ഥ സംഭവങ്ങളില്‍ നിന്ന് പ്രചോദനം ഉള്‍ക്കൊണ്ടാണ് ‘ഫാര്‍മ’ നിര്‍മ്മിച്ചിരിക്കുന്നത്