Dulquer Salmaan
കിംഗ് ഓഫ് കൊത്തയുടെ പരാജയം താന്‍ ഏറ്റെടുക്കുന്നതായി നടന്‍ ദുല്‍ഖര്‍ സല്‍മാന്‍. ചിത്രത്തിന്റെ പരാജയത്തിന്റെ ഉത്തരവാദിത്വം താന്‍ പൂര്‍ണ്ണമായും ഏറ്റെടുക്കുന്നതായും അടുത്ത തവണ കൂടുതല്‍ പരിശ്രമിക്കും എന്നുമാണ് ഒരു അഭിമുഖത്തില്‍ സംസാരിക്കാവെ ദുല്‍ഖര്‍ സല്‍മാന്‍ ഇപ്പോള്‍ വ്യക്തമാക്കിയിരിക്കുന്നത്. മോശം തിരക്കഥയുടെയും അഭിനയത്തിന്റെയും പേരില്‍ വലിയ വിമര്‍ശനങ്ങളാണ് ചിത്രം ഏറ്റുവാങ്ങിയത്. ഇതോടെയാണ് താരം ഇതില്‍ പ്രതികരണവുമായി രംഗത്ത് എത്തിയത്.
അഭിലാഷ് ജോഷി ആയിരുന്നു ചിത്രം സംവിധാനം ചെയ്തത്. ബിഗ് ബജറ്റിലായിരുന്നു ചിത്രം അണിയിച്ചൊരുക്കിയത്. ചിത്രം വിജയം ആയില്ലെങ്കിലും പ്രേക്ഷകര്‍ക്ക് ആ സിനിമയെ പറ്റി എന്ത് പരാതിയുണ്ടെങ്കിലും അതിന്റെ പൂര്‍ണ ഉത്തരവാദിത്തം താന്‍ ഏറ്റെടുക്കുന്നു. അടുത്ത തവണ തങ്ങള്‍ കൂടുതല്‍ നന്നായി ശ്രമിക്കുമെന്നും ‘ലക്കി ഭാസ്‌കര്‍’ എന്ന പുതിയ സിനിമയുടെ പ്രൊമോഷനുമായി ബന്ധപ്പെട്ടു നടന്ന ഒരു അഭിമുഖത്തില്‍ ദുല്‍ഖര്‍ പറഞ്ഞു.
ഷബീര്‍ കല്ലറക്കല്‍, പ്രസന്ന, ചെമ്പന്‍ വിനോദ്, ഷമ്മി തിലകന്‍, ഗോകുല്‍ സുരേഷ്, വടചെന്നൈ ശരണ്‍, ഐശ്വര്യ ലക്ഷ്മി, നൈല ഉഷ, ശാന്തി കൃഷ്ണ, അനിഖ സുരേന്ദ്രന്‍ തുടങ്ങിയവരാണ് സിനിമയിലെ മറ്റ് അഭിനേതാക്കള്‍. ജേക്‌സ് ബിജോയ് ആണ് ചിത്രത്തിന് സംഗീതം നല്‍കിയത്. ദുല്‍ഖര്‍ സല്‍മാന്റെ വെഫേറര്‍ ഫിലിംസും സീ സ്റ്റുഡിയോയും ചേര്‍ന്നായിരുന്നു ചിത്രം നിര്‍മിച്ചത്.
സൗബിന്‍ ഷാഹിറും നവ്യ നായരും പ്രധാന വേഷത്തില്‍…
ഡോക്യുമെന്ററി വിവാദത്തിനിടെ ഒരേ ചടങ്ങില്‍ പങ്കെടുത്ത് നയന്‍താരയും…
വിനായകന്‍ നായകനായി എത്തുന്ന പെരുന്നാള്‍ എന്ന ചിത്രത്തിലേക്ക്…
അജിത് കുമാര്‍ നായകനായി പുറത്തിറങ്ങാന്‍ ഇരിക്കുന്ന ചിത്രമായ…
നയന്‍താരയെ 'ലേഡി സൂപ്പര്‍സ്റ്റാര്‍' എന്നു വിശേഷിപ്പിച്ച നടി…