Dulquer Salmaan and Mammootty
ബിഗ് ബിയുടെ രണ്ടാം ഭാഗമായ ബിലാലിനു വേണ്ടി മമ്മൂട്ടി ആരാധകര്‍ മാത്രമല്ല മലയാള സിനിമാലോകം ഒന്നടങ്കം കാത്തിരിക്കുകയാണ്. 2007 ല്‍ പുറത്തിറങ്ങിയ ബിഗ് കള്‍ട്ട് ക്ലാസിക് സിനിമയെന്ന നിലയിലാണ് ഇപ്പോഴും ചര്‍ച്ചയാകുന്നത്. അമല്‍ നീരദ് ആദ്യമായി സംവിധാനം ചെയ്ത സിനിമ കൂടിയാണ് ബിഗ് ബി. അമല്‍ തന്നെയാണ് ബിഗ് ബിയുടെ രണ്ടാം ഭാഗമായ ബിലാല്‍ വരുമെന്ന് വര്‍ഷങ്ങള്‍ക്കു മുന്‍പ് പ്രഖ്യാപിച്ചത്. എന്നാല്‍ പിന്നീട് ഈ പ്രൊജക്ടിനെ കുറിച്ച് വിവരമൊന്നും ഇല്ല. ബിലാലില്‍ ദുല്‍ഖര്‍ കാമിയോ റോളില്‍ എത്തുമെന്ന റിപ്പോര്‍ട്ടുകളും നേരത്തെ പുറത്തുവന്നിരുന്നു.
അതേസമയം ബിലാലില്‍ താന്‍ ഉണ്ടാകുമോ എന്ന ചോദ്യത്തോടു പ്രതികരിക്കുകയാണ് ദുല്‍ഖര്‍ ഇപ്പോള്‍. ബിലാല്‍ എപ്പോള്‍ വരുമെന്ന് ബിലാലിന് മാത്രമേ അറിയുകയുള്ളുവെന്നും എന്നാല്‍ വന്നാല്‍ അത് ഒരു ഒന്നൊന്നര വരവായിരിക്കുമെന്നുമാണ് ദുല്‍ഖര്‍ പറയുന്നത്. ചിത്രത്തില്‍ തന്റെ കാമിയോ ഉണ്ടോ ഇല്ലയോ എന്നുള്ളതെല്ലാം ഇപ്പോള്‍ പറയാന്‍ കഴിയില്ലെന്നും എല്ലാം കാത്തിരുന്നു കാണാമെന്നും ദുല്‍ഖര്‍ പറയുന്നു. പുതിയ സിനിമയായ ലക്കി ഭാസ്‌കറിന്റെ പ്രചാരണ പരിപാടിക്കിടെയാണ് ദുല്‍ഖര്‍ ഇക്കാര്യം പറഞ്ഞത്.
കോവിഡ് പ്രതിസന്ധിയെ തുടര്‍ന്നാണ് ബിലാല്‍ പ്രൊജക്ട് നീണ്ടുപോയതെന്നാണ് വിവരം. കോവിഡിനു ശേഷമാണ് അമല്‍ നീരദ് – മമ്മൂട്ടി കൂട്ടുകെട്ടില്‍ ഭീഷ്മ പര്‍വ്വം പിറന്നത്. ഭീഷ്മ പര്‍വ്വത്തിനു ശേഷം മമ്മൂട്ടിയും അമല്‍ നീരദും ഒന്നിക്കാന്‍ പോകുകയാണെന്ന് ഈയിടെ റിപ്പോര്‍ട്ടുകളുണ്ടായിരുന്നു. അത് ബിലാലിനു വേണ്ടി ആയിരിക്കുമെന്ന പ്രതീക്ഷയിലാണ് ആരാധകര്‍.
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് അഭിരാമി. ഇന്‍സ്റ്റഗ്രാമിലാണ്…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് മീര നന്ദന്‍.…
ആരോഗ്യപ്രശ്‌നങ്ങളെ തുടര്‍ന്ന് വിശ്രമത്തില്‍ കഴിയുന്ന മമ്മൂട്ടി നാല്…
ആരാധകര്‍ക്ക് ഏറെ പ്രിയങ്കരിയായ നടിയാണ് രമ്യ നമ്പീശന്‍.…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് അഭിരാമി. ഇന്‍സ്റ്റഗ്രാമിലാണ്…