അമ്മയുടെ വിയോഗം താങ്ങാനാകാതെ കിച്ചാ സുദീപ്

അമ്മയുടെ മരണത്തില്‍ മനംനൊന്ത് നടന്‍ കിച്ചാ സുദീപ്. അമ്മയുടെ മൃതദേഹത്തിനെതിരെ പൊട്ടിക്കരയുന്ന താരത്തിന്റെ ചിത്രങ്ങള്‍ ആരാധകരുടെ കണ്ണിനെ ഈറണിയിക്കുന്നതാണ്. മുന്‍ കര്‍ണാടക മുഖ്യമന്ത്രി ബസവരാജ് ബൊമ്മൈയേ കെട്ടിപ്പിടിച്ച് കരയുന്നതും ചിത്രങ്ങളില്‍ കാണാം.

വാര്‍ദ്ധക്യസഹജമായ ആരോഗ്യപ്രശ്‌നങ്ങള്‍ കാരണം ബംഗളൂരുവിലെ സ്വകാര്യ ആശുപത്രിയില്‍ ചികിത്സയിലിരിക്കെയായിരുന്നു അമ്മ സരോജ സഞ്ജീവ് അന്തരിച്ചത്. അമ്മയുമായി വലിയ അടുപ്പത്തിലായിരുന്നു താരം.

മാതൃദിനത്തിലും അമ്മയുടെ ജന്മദിനത്തിലും അമ്മയ്ക്ക് ആശംസകള്‍ നേര്‍ന്ന് സോഷ്യല്‍ മീഡിയയില്‍ കിച്ച സുധീപ് ചിത്രങ്ങള്‍ പോസ്റ്റ് ചെയ്യാറുണ്ട്. സിനിമ രാഷ്ട്രീയ രംഗത്തെ നിരവധി പ്രമുഖര്‍ സുധീപിന്റെ അമ്മയുടെ വേര്‍പാടില്‍ ദുഃഖം രേഖപ്പെടുത്തിയിരുന്നു.