വര്‍ക്കൗട്ടാണ് മെയിന്‍; കിടിലന്‍ ചിത്രങ്ങളുമായി അനാര്‍ക്കലി

സോഷ്യല്‍ മീഡിയയില്‍ വൈറലായി നടി അനാര്‍ക്കലി മരിക്കാറിന്റെ വര്‍ക്കൗട്ട് ചിത്രങ്ങള്‍. ജിം ട്രെയിനര്‍ക്കൊപ്പം ജിമ്മില്‍ വര്‍ക്കൗട്ട് നടത്തുന്ന അനാര്‍ക്കലിയെ ചിത്രങ്ങളില്‍ കാണാം.

ദ് സോള്‍ വെല്‍നെസ് എന്ന ജിമ്മിലാണ് താരം വര്‍ക്കൗട്ട് നടത്തുന്നത്. ‘സ്‌ട്രോങ് നോട്ട് സ്‌കിന്നി’ എന്ന ഹാഷ് ടാഗോടെയാണ് ചിത്രങ്ങള്‍ പങ്കുവെച്ചിരിക്കുന്നത്. ഏതെങ്കിലും സിനിമയ്ക്കു വേണ്ടിയുള്ള മേക്കോവറില്‍ ആണോയെന്നാണ് ആരാധകരുടെ സംശയം.

2016 ല്‍ ആനന്ദം എന്ന ചിത്രത്തിലൂടെയാണ് അനാര്‍ക്കലി അഭിനയ രംഗത്തേക്ക് എത്തിയത്. ‘ഗഗനചാരി’ ആണ് അനാര്‍ക്കലിയുടെ ഏറ്റവും അവസാനമായി തിയറ്ററുകളിലെത്തിയ ചിത്രം. മികച്ചൊരു ഗായിക കൂടിയാണ് താരം.