വിദ്യ ബാലന്‍ നായികയായ കഹാനി ഇന്ത്യയില്‍ ഏറെ ചര്‍ച്ചയായ സിനിമയാണ്. സുജോയ് ഘോഷാണ് ചിത്രം സംവിധാനം ചെയ്തത്. 15 കോടി ബജറ്റില്‍ ഒരുക്കിയ സിനിമ 79.20 കോടിയാണ് അന്ന് ബോക്‌സ്ഓഫീസില്‍ സ്വന്തമാക്കിയത്. 2012 ലാണ് ചിത്രത്തിന്റെ റിലീസ്.
സിനിമ ചെറിയ ബജറ്റ് ആയിരുന്ന കാരണം അന്ന് വിദ്യ ബാലനു പോലും കാരവന്‍ നല്‍കാന്‍ സാധിച്ചിരുന്നില്ലെന്ന് സംവിധായകന്‍ പറയുന്നു. മാഷബിള്‍ ഇന്ത്യയ്ക്കു നല്‍കിയ അഭിമുഖത്തില്‍ സംസാരിക്കുകയായിരുന്നു അദ്ദേഹം.
കുറഞ്ഞ ബജറ്റുള്ള സിനിമയായതിനാല്‍ അഭിനേതാക്കള്‍ക്ക് മതിയായ സൗകര്യം ഏര്‍പ്പെടുത്താന്‍ സാധിച്ചില്ല. വിദ്യ ബാലനു പോലും കാരവന്‍ ലഭിച്ചില്ല. ഇതിനെ തുടര്‍ന്ന് റോഡരികില്‍ നിര്‍ത്തിയിട്ട ഇന്നോവ കാറില്‍ കറുത്ത തുണികൊണ്ട് മറച്ചാണ് വിദ്യാ ബാലന്‍ വസ്ത്രം മാറിയതെന്നും സുജോയ് ഘോഷ് പറയുന്നു. വേണമെങ്കില്‍ വിദ്യാബാലന് കഹാനി പോലെ ഒരു ചെറിയ സിനിമ വേണ്ടെന്ന് വെയ്ക്കാമായിരുന്നു. എന്നാല്‍ അവര്‍ നല്‍കിയ ഒരു വാക്കിന്റെ പുറത്താണ് സിനിമ ചെയ്തത്. അമിതാബ് ബച്ചന്‍, ഷാറൂഖ് ഖാന്‍ പോലെയുള്ള അഭിനേതാക്കളുടെ ഗണത്തിലാണ് ഈ വിഷയത്തില്‍ വിദ്യയെന്നും സംവിധായകന്‍ പറയുന്നു.
സൗബിന്‍ ഷാഹിറും നവ്യ നായരും പ്രധാന വേഷത്തില്‍…
ഡോക്യുമെന്ററി വിവാദത്തിനിടെ ഒരേ ചടങ്ങില്‍ പങ്കെടുത്ത് നയന്‍താരയും…
വിനായകന്‍ നായകനായി എത്തുന്ന പെരുന്നാള്‍ എന്ന ചിത്രത്തിലേക്ക്…
അജിത് കുമാര്‍ നായകനായി പുറത്തിറങ്ങാന്‍ ഇരിക്കുന്ന ചിത്രമായ…
നയന്‍താരയെ 'ലേഡി സൂപ്പര്‍സ്റ്റാര്‍' എന്നു വിശേഷിപ്പിച്ച നടി…