Sidhique
യുവനടിയെ ബലാത്സംഗ ചെയ്തെന്ന കേസില് നടന് സിദ്ധിഖിന് തിരിച്ചടി. മുന്കൂര് ജാമ്യാപേക്ഷ ഹൈക്കോടതി തള്ളി. തനിക്കെതിരെ ഉയര്ന്ന ആരോപണങ്ങള് അടിസ്ഥാനരഹിതമാണെന്നായിരുന്നു സിദ്ധിഖ് ഹൈക്കോടതിയെ ബോധിപ്പിച്ചത്. വര്ഷങ്ങള്ക്ക് മുന്പ് യുവനടി ഉന്നയിച്ച ആരോപണങ്ങളില് ബലാത്സംഗപരാതി ഉണ്ടായിരുന്നില്ലെന്നും തന്നെ അപമാനിക്കുക എന്ന ലക്ഷ്യമാണ് പരാതിക്ക് പിന്നില്ലെന്നും അന്വേഷണവുമായി സഹകരിക്കുമെന്നും സിദ്ധിഖ് ജാമ്യാപേക്ഷയില് പറഞ്ഞിരുന്നു. എന്നാല് നടനെതിരെ യുവനടി നല്കിയ പരാതികളില് സിദ്ധിഖിനെതിരെ സാക്ഷിമൊഴികളും മറ്റ് തെളിവുകളും ലഭിച്ചതായാണ് അന്വേഷണസംഘം വ്യക്തമാക്കുന്നത്.
സിദ്ധിഖ് മസ്കറ്റ് ഹോട്ടലില് മുറിയെടുത്തതിനും നടി അവിടെ സന്ദര്ശിച്ചതിനും തെളിവുകള് ഉണ്ട്. മുറിയിലെ കര്ട്ടന് മാറ്റിയാല് സ്വിമ്മിങ് പൂള് കാണാമെന്നും പീഡനം നടന്ന ദിവസം സിദ്ധിഖ് മീന്കറിയും തൈരും കൂട്ടി ചോറ് കഴിച്ചെന്നും നടി പറഞ്ഞിരുന്നു. ഇത് അന്വേഷണസംഘം സ്ഥിരീകരിച്ചു.
ഹേമ കമ്മിറ്റി റിപ്പോര്ട്ട് വന്നതിന് പിന്നാലെയായിരുന്നു സിദ്ധിഖിനെതിരെ ലൈംഗിക അതിക്രമ കേസ് രജിസ്റ്റര് ചെയ്തത്. 2016 ജനുവരി 28നായിരുന്നു സംഭവമെന്നാണ് നടിയുടെ ആരോപണം. നിള തിയേറ്ററില് സിനിമ പ്രിവ്യൂ കഴിഞ്ഞിറങ്ങിയ ശേഷം തിരുവനന്തപുരത്തെ മസ്ക്കറ്റ് ഹോട്ടലില് വിളിച്ചുവരുത്തി ലൈംഗികമായി പീഡിപ്പിച്ചതായാണ് നടിയുടെ പരാതി.
അപ്രവചനീയ കുതിപ്പ് തുടർന്ന് 'വാഴ 2'. ചിത്രത്തിന്റെ…
ആരാധകര്ക്കായി പുതിയ ചിത്രങ്ങള് പങ്കുവെച്ച് ഭാവന. ഇന്സ്റ്റഗ്രാമിലാണ്…
ആരാധകര്ക്കായി പുതിയ ചിത്രങ്ങള് പങ്കുവെച്ച് നയന്താര. ഇന്സ്റ്റഗ്രാമിലാണ്…
ആരാധകര്ക്കായി പുതിയ ചിത്രങ്ങള് പങ്കുവെച്ച് അനിഖ. ഇന്സ്റ്റഗ്രാമിലാണ്…
അന്തരിച്ച നടന് കൊല്ലം സുധിയുടെ മകന് കിച്ചു…