ജൂനിയര്‍ എന്‍ടിആര്‍ നായകനാകുന്ന ദേവര എന്ന ചിത്രത്തിന്റെ പ്രീ റിലീസ് ഇവന്റ് റദ്ദാക്കിയതിനെ തുടര്‍ന്ന് ആരാധകര്‍ അക്രമാസക്തരായി. ഹൈദരാബാദില്‍ ആയിരുന്നു ചിത്രത്തിന്റെ പ്രീ റിലീസ് ഇവന്റ് നടത്താന്‍ അണിയറ പ്രവര്‍ത്തകര്‍ തീരുമാനിച്ചിരുന്നത്. എന്നാല്‍ പ്രതീക്ഷിച്ചതിലും കൂടുതല്‍ ആള്‍ക്കാര്‍ എത്തിയതോടെ പെട്ടെന്ന് പരിപാടി റദ്ദാക്കുകയായിരുന്നു. ഇതോടെ ജൂനിയര്‍ എന്‍ടിആറിന്റെ ആരാധകര്‍ അക്രമാസക്തരാവുകയും ഇവിടെ പ്രശ്‌നങ്ങള്‍ സൃഷ്ടിക്കുകയുമായിരുന്നു.
ചടങ്ങില്‍ ജൂനിയര്‍ എന്‍ടിആര്‍ ഉള്‍പ്പെടെ എത്തിച്ചേരാനായിരുന്നു തീരുമാനിച്ചിരുന്നത്. എന്നാല്‍ പ്രതീക്ഷിച്ചതിലും കൂടുതല്‍ ആളുകള്‍ ഇവിടേക്ക് എത്തിയതോടെ അദ്ദേഹത്തിന് ചടങ്ങിലേക്ക് എത്തിച്ചേരേണ്ടെന്ന നിര്‍ദ്ദേശം നല്‍കുകയായിരുന്നു. ചടങ്ങില്‍ സംവിധായകന്‍ ത്രിവിക്രം ശ്രീനിവാസ് പ്രധാന അതിഥിയായിരുന്നു. എന്നാല്‍ ചടങ്ങ് റദ്ദാക്കിയതോടെ അദ്ദേഹം തിരികെ മടങ്ങിപ്പോയി.
പരിപാടി റദ്ദാക്കിയതറിഞ്ഞ ആരാധകര്‍ അക്രമാസക്തരാവുകയും വേദിയിലെ കസേരകളും മറ്റും അടിച്ചു തകര്‍ക്കുകയും ചെയ്യുകയായിരുന്നു. ഇതിന്റെ ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്.
ഈ മാസം 27നാണ് ദേവര റിലീസ് ചെയ്യുന്നത്. കൊരട്ടല ശിവയും എന്‍ടിആറും ജനതാ ഗാരേജിന് ശേഷം ഒരുമിക്കുന്ന ചിത്രത്തില്‍ ബോളിവുഡ് താരങ്ങളായ ജാന്‍വി കപൂറും സെയ്ഫ് അലി ഖാനും പ്രധാന വേഷങ്ങളില്‍ എത്തുന്നുണ്ട്. ജാന്‍വിയുടെ ആദ്യ തെലുങ്ക് ചിത്രം കൂടിയാണ് ദേവര. യുവസുധ ആര്‍ട്ട്‌സും എന്‍ടിആര്‍ ആര്‍ട്‌സും ചേര്‍ന്ന് നിര്‍മിക്കുന്ന ചിത്രം നന്ദമുരി കല്യാണ്‍ റാം ആണ് അവതരിപ്പിക്കുന്നത്.
പ്രകാശ് രാജ്, ശ്രീകാന്ത് മേക്ക, ഷൈന്‍ ടോം ചാക്കോ, നരൈന്‍ തുടങ്ങി ഒട്ടനവധി അഭിനേതാക്കള്‍ ചിത്രത്തിന്റെ ഭാഗമാകുന്നുണ്ട്. ദേവരയുടെ കേരള വിതരണാവകാശം സ്വന്തമാക്കിയിരിക്കുന്നത് ദുല്‍ഖര്‍ സല്‍മാന്റെ വേഫറര്‍ ഫിലിംസാണ്. തെലുങ്കിന് പുറമെ തമിഴ്, കന്നഡ, ഹിന്ദി, മലയാളം ഭാഷകളിലും ചിത്രം പുറത്തിറങ്ങും.
പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് രഞ്ജിനി ജോസ്.…
ആരാധകര്‍ക്ക് ഏറെ പ്രിയങ്കരനായ നടനാണ് നാഗചൈതന്യ. സാമന്തയുമായുള്ള…
ആരാധകര്‍ക്ക് ഏറെ പ്രിയങ്കരിയായ നടിയാണ് നവ്യ നായര്‍.…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് പ്രിയാ വാര്യര്‍.…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് സ്രിന്റ. ഇന്‍സ്റ്റഗ്രാമിലാണ്…
ആരാധകര്‍ക്കായി പുതിയ ചിത്രങ്ങള്‍ പങ്കുവെച്ച് മാളവിക മേനോന്‍.…