മമ്മൂട്ടി പടത്തില്‍ മോഹന്‍ലാല്‍, നേരെ തിരിച്ചും ! സൂപ്പര്‍താരങ്ങളുടെ അതിഥി വേഷത്തില്‍ തീരുമാനമായി

മമ്മൂട്ടിയും മോഹന്‍ലാലും ഒന്നിക്കുന്ന രണ്ട് സിനിമകളുടെ കാര്യത്തില്‍ അന്തിമ തീരുമാനമായി. മമ്മൂട്ടി ചിത്രത്തില്‍ മോഹന്‍ലാലും നേരെ തിരിച്ചും അതിഥി വേഷങ്ങളില്‍ ഇരുവരും അഭിനയിക്കും. 2025 ലാകും രണ്ട് സിനിമകളും തിയറ്ററുകളിലെത്തുക.

മമ്മൂട്ടിയെ നായകനാക്കി മഹേഷ് നാരായണന്‍ സംവിധാനം ചെയ്യുന്ന ചിത്രത്തിലാണ് മോഹന്‍ലാല്‍ അതിഥി വേഷത്തില്‍ എത്തുക. ഈ സിനിമയുടെ പേര് തീരുമാനിച്ചിട്ടില്ല. കുഞ്ചാക്കോ ബോബന്‍, ഫഹദ് ഫാസില്‍ എന്നിവരും ഈ ചിത്രത്തില്‍ അഭിനയിച്ചേക്കും.

മോഹന്‍ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന എംപുരാനില്‍ ആണ് മമ്മൂട്ടി അതിഥി വേഷത്തില്‍ എത്തുക. മമ്മൂട്ടിയുടെ ഭാഗങ്ങള്‍ ചിത്രീകരിച്ചതായും റിപ്പോര്‍ട്ടുകളുണ്ട്. മമ്മൂട്ടി കമ്പനിയും ആശീര്‍വാദ് സിനിമാസും ചേര്‍ന്നാണ് ഈ രണ്ട് സിനിമകളും നിര്‍മിക്കുക.