വിവാഹം കഴിഞ്ഞിട്ട് ഒരു മാസം; ചിത്രങ്ങളുമായി അമേയ

പുതിയ ചിത്രങ്ങള്‍ പങ്കുവെച്ച് നടി അമേയ മാത്യു. ജീവിതപങ്കാളിക്കൊപ്പമുള്ള ചിത്രമാണ് താരം ഇന്‍സ്റ്റഗ്രാമില്‍ പങ്കുവെച്ചിരിക്കുന്നത്. അമേയയുടെയും കിരണിന്റെയും വിവാഹം കഴിഞ്ഞിട്ട് ഒരു മാസമായി. ‘ ദൃഢമായ ഒരു മാസം, എക്കാലത്തേക്കും വളരാനുള്ളത്’ എന്ന കുറിപ്പോടെയാണ് അമേയ ചിത്രങ്ങള്‍ പങ്കുവെച്ചത്.

കരിക്കിന്റെ ജനപ്രിയ വെബ് സീരിസിലൂടെ മലയാളി പ്രേക്ഷകര്‍ക്ക് സുപരിചിതയായ താരമാണ് അമേയ. ചുരുക്കം ചില സിനിമകളിലും താരം സാന്നിധ്യം അറിയിച്ചിട്ടുണ്ട്.

അഞ്ച് ലക്ഷത്തിലധികം ആളുകളാണ് താരത്തെ ഇന്‍സ്റ്റാഗ്രാമില്‍ പിന്തുടരുന്നത്. ആരാധകരുമായി നിരന്തരം ഇടപഴകാനും പോസ്റ്റുകളിടാനും അമേയ ഏറെ ശ്രദ്ധിക്കാറുണ്ട്.