സുരേഷ് ഗോപിയും മാധവ് സുരേഷും പ്രധാനവേഷത്തില്‍ എത്തുന്ന ജെഎസ്‌കെയുടെ പോസ്റ്റര്‍ പുറത്ത്

സുരേഷ് ഗോപി പ്രധാന വേഷത്തിലെത്തുന്ന ജെ എസ് കെ എന്ന ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തുവിട്ടു. അഭിഭാഷകനായി സുരേഷ് ഗോപിയെത്തുന്ന ചിത്രത്തില്‍ മകന്‍ മാധവ സുരേഷ് ഒരു പ്രധാന വേഷം കൈകാര്യം ചെയ്യുന്നുണ്ട് എന്നാണ് ലഭിക്കുന്ന വിവരം. ഞാന്‍ എന്താണ് ചെയ്യുന്നതെന്ന് എനിക്കറിയാം, അത് തുടരുകയും ചെയ്യും, അത് തന്നെ ചെയ്യുന്നു എന്ന വാചകങ്ങളോടെയാണ് ഫസ്റ്റ് ലുക്ക് പോസ്റ്ററെത്തിയിരിക്കുന്നത്.

പ്രവീണ്‍ നാരായണന്‍ ആണ് ചിത്രം തിരക്കഥയെഴുതി സംവിധാനം ചെയ്യുന്ന ചിത്രത്തില്‍ അനുപമ പരമേശ്വരനാണ് നായികയായെത്തുന്നത്. ജാനകി വേഴ്‌സസ് സ്റ്റേറ്റ് ഓഫ് കേരള എന്നാണ് ജെഎസ്‌കെയുടെ പൂര്‍ണരൂപം. വന്‍ ബജറ്റിലാണ് ചിത്രമൊരുങ്ങുന്നത്.

അക്‌സര്‍ അലി, ദിവ്യ പിള്ള, ശ്രുതി രാമചന്ദ്രന്‍, ജോയ് മാത്യു, ബൈജു സന്തോഷ്, യദു കൃഷ്ണ, ജയന്‍ ചേര്‍ത്തല, രജത്ത് മേനോന്‍, ഷഫീര്‍ ഖാന്‍, കോട്ടയം രമേശ്, അഭിഷേക് രവീന്ദ്രന്‍, നിസ്താര്‍ സേട്ട്, ഷോബി തിലകന്‍, ബാലാജി ശര്‍മ്മ, ജയ് വിഷ്ണു, ദിലീപ് മേനോന്‍, ജോമോന്‍ ജോഷി, വൈഷ്ണവി രാജ്, മഞ്ജു ശ്രീ, ദിനി, ജോസ് ചെങ്ങന്നൂര്‍, മേധ പല്ലവി, പ്രശാന്ത് മാധവ് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.