ഞങ്ങള്‍ക്ക് പുറത്തിറങ്ങി നടക്കേണ്ടേ? ബാപ്പയ്ക്ക് നീതി കിട്ടാനായി സുപ്രീംകോടതി വരെ പോകുമെന്നും മാമുക്കോയയുടെ മകന്‍

മാമുക്കോയില്‍ നിന്നും മോശം അനുഭവമുണ്ടായി എന്ന് തുറന്നു പറഞ്ഞ് രംഗത്തെത്തിയ നടിക്കെതിരെ രൂക്ഷ വിമര്‍ശനം ഉന്നയിച്ച് മാമുക്കോയുടെ മകന്‍ നിസാര്‍ മാമുക്കോയ. പിതാവിനെ നീതി കിട്ടുന്നതിനായി താന്‍ സുപ്രീംകോടതി വരെ പോകേണ്ടി വന്നാല്‍ അതിനും തയ്യാറാകും എന്നാണ് നിസാര്‍ മാമുക്കോയ ഇപ്പോള്‍ വ്യക്തമാക്കിയിരിക്കുന്നത്..

354 നിയമമൊക്കെ നില്‍ക്കുന്നത് കുടുംബത്തില്‍ പിറന്ന നല്ല പെണ്ണുങ്ങള്‍ക്ക് വേണ്ടിയാണ്. കുലസ്ത്രീകളെന്നൊക്കെ പറയുന്നില്ലേ? തെമ്മാടികളില്‍ നിന്ന് ബുദ്ധിമുട്ടുവരുമ്പോള്‍ അവരെ സഹായിക്കാനാണത്. അല്ലാതെ ഇതുപോലെ മിസ്യൂസ് ചെയ്യാനല്ല. അവരുടെ കാര്യം സാധിക്കാന്‍ വേണ്ടി സെറ്റ് ചെയ്ത് വച്ചിരിക്കുന്നതാണ് ഇതെല്ലാം.

പ്രായപൂര്‍ത്തിയായ മക്കളാണ് ഞങ്ങള്‍ക്കെല്ലാം. അവര്‍ക്കെല്ലാം പുറത്തിറങ്ങണ്ടേ? എത്രയോ നല്ല സ്ത്രീകള്‍ സിനിമയില്‍ അഭിനയിക്കുന്നുണ്ട്. ജയറാമും ബിജു മേനോനും ദിലീപുമെല്ലാം സിനിമയില്‍ നിന്നല്ലേ കല്യാണം കഴിച്ചത്. എല്ലാവരും മോശക്കാരാണെന്ന് പറയാന്‍ പറ്റില്ല. പരാതി കൊടുത്ത സ്ത്രീയുടെ പിന്നാലെ തന്നെ ഞാന്‍ ഉണ്ടാകും എന്നും അദ്ദേഹം പറഞ്ഞു.