വിജയ് നായകനായെത്തിയ ഗോട്ട് (GOAT) തിയറ്ററുകളില്‍ പ്രദര്‍ശനം തുടരുകയാണ്. ചിത്രത്തിനു രണ്ടാം ഭാഗവും ഉണ്ടായേക്കുമെന്നാണ് ഇപ്പോള്‍ പുറത്തുവരുന്ന റിപ്പോര്‍ട്ടുകള്‍. രാഷ്ട്രീയ പ്രവേശനം പ്രഖ്യാപിച്ചതിനാല്‍ വിജയ് അഭിനയം അവസാനിപ്പിച്ചേക്കുമെന്ന് നേരത്തെ വാര്‍ത്തകളുണ്ടായിരുന്നു. അങ്ങനെയൊരു തീരുമാനം വിജയ് എടുക്കുകയാണെങ്കില്‍ ഗോട്ടിന്റെ രണ്ടാം ഭാഗം എങ്ങനെ സംഭവിക്കുമെന്ന സംശയത്തിലാണ് ആരാധകര്‍.
രണ്ടാം ഭാഗത്തിനുള്ള സൂചന നല്‍കിയാണ് ഗോട്ട് അവസാനിക്കുന്നത്. GOAT vs OG എന്നാണ് സിനിമയുടെ അവസാനം എഴുതി കാണിക്കുക. യഥാര്‍ഥ ഗ്യാങ്സ്റ്ററിനെ (OG) അടുത്ത ഭാഗത്താണ് സംവിധായകന്‍ വെങ്കട് പ്രഭു അവതരിപ്പിക്കുകയെന്നാണ് വിവരം. ഗോട്ടിലെ വിജയ് അവതരിപ്പിച്ച നായക കഥാപാത്രവും മറ്റൊരു ഗ്യാങ്സ്റ്റര്‍ കഥാപാത്രവും തമ്മിലുള്ള പോരാട്ടമായിരിക്കും രണ്ടാം ഭാഗത്തിന്റെ പ്രമേയമെന്നാണ് സൂചന. എന്തായാലും ഗോട്ടിനു രണ്ടാം ഭാഗം ഒരുക്കാന്‍ വെങ്കട് പ്രഭു നേരത്തെ തീരുമാനിച്ചിട്ടുണ്ട്. ആ പദ്ധതി ഇനി യാഥാര്‍ഥ്യമാകുമോ എന്ന് മാത്രമാണ് ആരാധകര്‍ക്കു അറിയേണ്ടത്. മങ്കാത്തയിലെ അജിത്തിന്റെ മാസ് കഥാപാത്രത്തെ ഗോട്ടിന്റെ രണ്ടാം ഭാഗത്തില്‍ കൊണ്ടുവരാനുള്ള സാധ്യതയും ആരാധകര്‍ തള്ളിക്കളയുന്നില്ല.
അതേസമയം വേള്‍ഡ് വൈഡായി ഇന്നലെ തിയറ്ററുകളിലെത്തിയ ഗോട്ടിനു സമ്മിശ്ര പ്രതികരണങ്ങളാണ് ലഭിക്കുന്നത്. പ്രതീക്ഷയ്‌ക്കൊത്തു ഉയരാന്‍ ഗോട്ടിനു സാധിച്ചില്ലെന്നാണ് സോഷ്യല്‍ മീഡിയ പ്രതികരണം.
ആരാധകര്‍ക്കായി മനോഹര ചിത്രങ്ങള്‍ പങ്കുവെച്ച് ആര്യ. ഇന്‍സ്റ്റഗ്രാമിലാണ്…
ചുവപ്പ് സാരിയില്‍ ആരാധകര്‍ക്കായി ചിത്രങ്ങള്‍ പങ്കുവെച്ച് അനശ്വര.…
ഓണത്തിന് കുടുംബത്തോടാപ്പമുള്ള ചിത്രങ്ങള്‍ പങ്കുവെച്ച് കാവ്യ മാധവന്‍.…
ഹോട്ട് പോസില്‍ ആരാധകര്‍ക്കായി ചിത്രങ്ങള്‍പങ്കുവെച്ച് ശ്രുതി രാമചന്ദ്രന്‍.…
ആരാധകര്‍ക്കായി അടിപൊളി ചിത്രങ്ങള്‍ അനുമോള്‍. ഇന്‍സ്റ്റഗ്രാമിലാണ് താരം…