എന്നെ ഒതുക്കിയതായി തോന്നിയിട്ടുണ്ട്: ആര്യ

ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും പ്രിയപ്പെട്ട താരമാണ് ആര്യ ബാബു. ബഡായി ബംഗ്ലാവ് എന്ന ഏഷ്യാനെറ്റിലെ പരിപാടിയാണ് ആര്യയെ കൂടുതല്‍ ശ്രദ്ധേയമാക്കിയത്. പിന്നീട് ആര്യ ബഡായി എന്ന പേരില്‍ അറിയപ്പെടാന്‍ തുടങ്ങി.

മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാര്‍ത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു.

ഇപ്പോള്‍ ആരാധകന്റെ ചോദ്യത്തിന് മറുപടി പറയുകയാണ് താരം. ബിഗ് ബോസ് ഷോയുമായി ബന്ധപ്പെട്ട വിഷയം കാരണം ഒതുക്കിയതായി തോന്നുന്നുണ്ടോ എന്നായിരുന്നു ആരാധകന്‍ ചോദിച്ചത്. അതിന് താരം നല്‍കിയ മറുപടി ഇങ്ങനെയായിരുന്നു… നിങ്ങളെല്ലാവരും എന്നെ ഒരു പ്രത്യേക ചാനലില്‍ സ്ഥിരമായി കാണാറുള്ളതിനാലായിരിക്കും അങ്ങനെ തോന്നിയത്. അതുപോലെ ബിഗ് ബോസ് പ്രശ്‌നം കാരണം എന്നെ ഒതുക്കിയതായി തോന്നിയിട്ടുണ്ട്. ഇല്ലെന്ന് പറഞ്ഞാല്‍ കള്ളമായി പോകും. പക്ഷെ വിഷമമില്ല. മഴവില്‍ എന്റര്‍ടെയ്ന്‍മെന്റ് അവാര്‍ഡുകളുടെ സഹ അവതാരകയായി മഴവില്‍ മനോരമയില്‍ ഉടന്‍ ഞാന്‍ വരും എന്നാണ് ആര്യ പറഞ്ഞത്.