നിരവധി ഹിറ്റ് സിനിമകള്‍ ചെയ്തിട്ടും തനിക്ക് അവസരം നിഷേധിച്ചിട്ടുണ്ട് : പാര്‍വതി തിരുവോത്ത്

ആരാധകര്‍ക്ക് ഏറെ പ്രിയങ്കരിയായ നടിയാണ് പാര്‍വതി തിരുവോത്ത്. സോഷ്യല്‍ മീഡിയയില്‍ സജീവമായ താരം എന്നും ആരാധകര്‍ക്കായി ചിത്രങ്ങള്‍ പങ്കുവെക്കാറുണ്ട്. അതു മാത്രമല്ല പലപ്പോഴും നിലപാടുകള്‍ കൊണ്ടും താരം എന്നും വാര്‍ത്തകളില്‍ നിറയാറുണ്ട്.

2006ല്‍ ഔട്ട് ഓഫ് എന്ന ചലച്ചിത്രത്തിലൂടെയാണു പാര്‍വ്വതി അഭിനയരംഗത്തെത്തുന്നത്. നോട്ട്ബുക്ക്, സിറ്റി ഓഫ് ഗോഡ്, മരിയാന്‍, ബാംഗ്ലൂര്‍ ഡെയ്‌സ്, എന്ന് നിന്റെ മൊയ്തീന്‍, ചാര്‍ലി ( 2015) ടേക്ക് ഓഫ് എന്നീ ചലച്ചിത്രങ്ങളില്‍ പാര്‍വ്വതി ശക്തമായ കഥാപാത്രങ്ങളെയാണ് അവതരിപ്പിച്ചത്.

ഇപ്പോള്‍ നിരവധി ഹിറ്റ് സിനിമകള്‍ ചെയ്തിട്ടും തനിക്ക് അവസരം നിഷേധിച്ചിട്ടുണ്ട് എന്നാണ് താരം പറയുന്നത്. മോശമായി പെരുമാറിയവരുടെ പേര് തുറന്നുപറഞ്ഞാല്‍ ഒറ്റപ്പെടുത്തും. അതുപോലെ സിനിമയില്‍ നിന്നും ഇനിയും ഒഴിവാക്കപ്പെടും എന്ന് പാര്‍വതി പറയുന്നു. അഭിപ്രായം പറഞ്ഞതിന് തനിക്ക് വലിയ രീതിയിലുള്ള സൈബര്‍ ആക്രമണം ആയിരുന്നു നേരിടേണ്ടി വന്നത്. ഡബ്ല്യൂസിസിയിലെ നിരവധി അംഗങ്ങള്‍ക്ക് സിനിമയില്‍ അവസരം ലഭിക്കാതിരുന്നിട്ടുണ്ട് എന്നും താരം പറയുന്നു.