മമ്മൂട്ടിയുടെ പിറന്നാളിന് 30,000 പേരുടെ രക്തദാനം സംഘടിപ്പിക്കാന്‍ ആരാധകര്‍

മമ്മൂട്ടിയുടെ പിറന്നാള്‍ ദിനത്തില്‍ രക്തദാന പരിപാടികള്‍ സംഘടിപ്പിക്കാനായി മമ്മൂട്ടിയുടെ ആരാധകര്‍. സെപ്റ്റംബര്‍ ഏഴിനാണ് താരത്തിന്റെ പിറന്നാള്‍. മുപ്പതിനായിരം പേരുടെ രക്തദാനം ലക്ഷ്യമിട്ടാണ് മമ്മൂട്ടി ഫാന്‍സ് ആന്‍ഡ് വെല്‍ഫെയര്‍ അസോസിയേഷന്‍ ഇന്റര്‍നാഷണല്‍ പ്രവര്‍ത്തനങ്ങള്‍ ആരംഭിച്ചിരിക്കുന്നത്.

രക്തദാന ക്യാമ്പിന് ഓഗസ്റ്റ് 20ന് ഓസ്‌ട്രേലിയയില്‍ വെച്ചായിരിക്കും തുടക്കം കുറിക്കുന്നത്. മമ്മൂട്ടിയുടെ ആരാധക സംഘടന നിലവിലുള്ള 17 രാജ്യങ്ങളിലും രക്തദാന പരിപാടികള്‍ നടക്കും എന്നാണ് ഫാന്‍സ് അസോസിയേഷന്‍ അറിയിച്ചിരിക്കുന്നത്.
രക്തദാന ക്യാമ്പില്‍ ഇത്തവണ ബഹുജന പങ്കാളിത്തമാണ് തങ്ങള്‍ പ്രതീക്ഷിക്കുന്നത് എന്നാണ് അണിയറ പ്രവര്‍ത്തകര്‍ അറിയിക്കുന്നത്. വിവിധ രാജ്യങ്ങളില്‍ നടക്കുന്ന പരിപാടികളില്‍ മലയാളികള്‍ ഉള്‍പ്പെടെയുള്ളവരുടെ നല്ല സഹകരണം ആരാധക അസോസിയേഷന്‍ ലഭിക്കാറുണ്ട്.