എനിക്ക് ഞാനായിരിക്കാനാണ് താല്‍പര്യം: ഹണി റോസ്

മലയാളികള്‍ക്ക് ഏറെ പ്രിയങ്കരിയായ നടിയാണ് ഹണി റോസ്. വിനയന്‍ സംവിധാനം ചെയ്ത ബോയ് ഫ്രണ്ട് എന്ന സിനിമയിലൂടെ അഭിനയ രംഗത്തേക്ക് വന്ന ഹണി ‘മുതല്‍ കനവ്’ എന്ന സിനിമയിലൂടെയാണ് തമിഴിലും അരങ്ങേറ്റം കുറിക്കുന്നത്. മലയാളത്തില്‍ ട്രിവാന്‍ഡ്രം ലോഡ്ജ്, ഹോട്ടല്‍ കാലിഫോര്‍ണിയ തുടങ്ങിയ സിനിമകളിലെ പ്രകടനം ഏറെ ശ്രദ്ധ നേടി

മലയാളത്തിന് പുറമെ തമിഴ്, കന്നഡ, തെലുങ്ക് ചിത്രങ്ങളിലും അഭിനയിച്ചിട്ടുള്ള താരം സമൂഹ മാധ്യമങ്ങളിലും സജീവമാണ്.

ഇപ്പോള്‍ സോഷ്യല്‍ മീഡിയയില്‍ തനിക്കെതിരെ നടക്കുന്ന വ്യാജ പ്രചരണങ്ങള്‍ക്കും സൈബര്‍ അറ്റാക്കുകള്‍ക്കും മറുപടി നല്‍കി നല്‍കുകയാണ് ഹണി റോസ്. സോഷ്യല്‍ മീഡിയ എന്തും പറഞ്ഞോട്ടെ താനെതൊന്നും കാര്യമാക്കുന്നില്ല എന്നാണ് ഹണി റോസ് പറയുന്നത്. സോഷ്യല്‍ മീഡിയയില്‍ ആരെങ്കിലും എന്തെങ്കിലും പറയുന്നത് കേട്ട് ടെന്‍ഷന്‍ അടിച്ചും വിഷമിച്ചും ഇരുന്നാല്‍ തന്റെ ജീവിതം തന്നെ ബുദ്ധിമുട്ടിലാകും. അതുകൊണ്ടുതന്നെ താന്‍ അതൊന്നും ശ്രദ്ധിക്കാറില്ല എന്നും താരം പറയുന്നു..