പ്രണയത്തോട് താല്‍പര്യം ഇല്ല: ഷൈന്‍ ടോം ചാക്കോ

താനും ഷൈന്‍ ടോം ചാക്കോയും വേര്‍പിരിഞ്ഞതായി കഴിഞ്ഞ ദിവസമാണ് മോഡല്‍ തനൂജ സോഷ്യല്‍ മീഡിയ വഴി വ്യക്തമാക്കിയത്. ഇതിന് പിന്നാലെ ഇപ്പോള്‍ പ്രണയത്തെ കുറിച്ചും ജീവിതപങ്കാളിയെ കുറിച്ചും തുറന്നു പറയുകയാണ് ഷൈന്‍ ടോം ചാക്കോ. പ്രണയത്തോട് ഒരിക്കലും താല്‍പര്യം ഇല്ലാത്ത വ്യക്തിയാണ് താനെന്നാണ് ഷൈന്‍ പറയുന്നത്. പക്ഷേ വീണ്ടും വീണ്ടും താന്‍ അതിലേക്ക് ചെന്നു പെടുകയാണ്. മാനസികമായ ബലഹീനതകള്‍ ഉള്ളതുകൊണ്ടാണ് അത്തരത്തില്‍ സംഭവിക്കുന്നത് എന്നും താരം പറയുന്നു.

ടോക്‌സിക് ആയിട്ടുള്ള റിലേഷന്‍ഷിപ്പുകള്‍ അവസാനിക്കുന്നതാണ് നല്ലത്. തന്നെക്കൊണ്ട് നല്ല രീതിയില്‍ ഒരു റിലേഷന്‍ഷിപ്പ് മുന്നോട്ടു കൊണ്ടുപോകാന്‍ സാധിക്കില്ലെന്ന് വീണ്ടും തെളിഞ്ഞിരിക്കുകയാണ്.

അഭിനയവും ജീവിതവും രണ്ടും രണ്ടു രീതിയില്‍ കൊണ്ടുപോകണം എന്നായിരുന്നു താന്‍ ആഗ്രഹിച്ചത്. എന്നാല്‍ തന്നെക്കൊണ്ട് ഒരിക്കലും അതിന് സാധിക്കുന്നില്ല. പിന്നെ ഒരു ബന്ധം അവസാനിക്കുമ്പോള്‍ മനസ്സിന് വല്ലാത്ത വിഷമം തോന്നും. കുറച്ചു ബുദ്ധിമുട്ടുകളും ഉണ്ടാകും. എന്നാല്‍ ഒരു സമയം കഴിഞ്ഞാല്‍ പിന്നെ ആ വ്യക്തിക്ക് പൂര്‍ണ്ണ സ്വാതന്ത്ര്യം അനുഭവിക്കാം എന്നുമാണ് ഷൈന്‍ പറയുന്നത്.