നടിയായപ്പോള്‍ അമ്മ തന്ന ഉപദേശം; കീര്‍ത്തി സുരേഷ് പറയുന്നു

ആരാധകര്‍ക്ക് ഏറെ പ്രിയങ്കരിയായ നടിയാണ് കീര്‍ത്തി സുരേഷ്. കുട്ടിക്കാലത്ത് തന്നെ അഭിനയ രംഗത്തേക്ക് കടന്നു വന്ന കീര്‍ത്തി സുരേഷ് ഇപ്പോള്‍ മലയാളത്തില്‍ നിന്നും മാറി തെന്നിന്ത്യന്‍ സിനമാലോകം കീഴടക്കിയിരിക്കുകയാണ്. അന്യഭാഷകളില്‍ നല്ല വേഷങ്ങളാണ് താരത്തെ തേടി എത്തുന്നത്.

ലീഡ് റോളില്‍ ആദ്യമായി കീര്‍ത്തി സുരേഷ് അഭിനയിക്കുന്നത് മോഹന്‍ലാല്‍ ചിത്രം ഗീതഞ്ജലിയിലാണ്. റിങ് മാസ്റ്ററിലെ പ്രകടനം ശ്രദ്ധ നേടിയതോടെ താരം തമിഴിലേക്കും തെലുങ്കിലേക്കും ചുവട് മാറ്റി.

ഇപ്പോള്‍ നടിയായപ്പോള്‍ അമ്മ തന്ന ഉപദേശത്തെക്കുറിച്ച് പറയുകയാണ് താരം. കൃത്യനിഷ്ഠ വേണം. അവര്‍ ഇപ്പോഴും 9 മണിയെന്ന് പറഞ്ഞാല്‍ 8.55 ന് പോയി നില്‍ക്കുന്നവരാണ്. മറ്റൊന്ന് ഒരു യൂണിറ്റിലുള്ള പയ്യന്‍ മുതല്‍ സംവിധായകന്‍ വരെയുള്ളവരെ ഒരേ പോലെ കാണണം. ഒരേ ബഹുമാനം അവര്‍ക്ക് കൊടുക്കണം. ഈ രണ്ട് കാര്യങ്ങളാണ് അമ്മ തനിക്ക് തന്ന ഉപദേശമെന്ന് കീര്‍ത്തി സുരേഷ് വ്യക്തമാക്കി.