തള്ളാനും കൊള്ളാനും അവകാശമുണ്ട്; ദേവദൂതനെക്കുറിച്ച് സിബി മലയില്‍

ദേവദൂതന്‍ റീ റിലീസ് ചെയ്തതിന് പിന്നാലെ കുറിപ്പുമായി സിബി മലയില്‍. ഫെയ്‌സ്ബുക്കിലാണ് അദ്ദേഹം കുറിപ്പ് പങ്കുവെച്ചിരിക്കുന്നത്.

എന്റെ വായനാ മുറിയിലെ ചുവരില്‍ തൂങ്ങുന്ന ഈ ചിത്രത്തിന് ഇരുപത്തിനാലു വര്‍ഷത്തിന്റെ ചെറുപ്പമുണ്ട് . ദേവദൂതന്റെ ചിത്രീകരണത്തിന്റെ ആദ്യ നാളുകളില്‍ നീലഗിരിയിലെ ഒരു തണുത്ത വെളുപ്പാന്‍ കാലത്ത് പകര്‍ത്തിയ സ്‌നേഹചിത്രം .(പലേരിയെ ഈ കൂട്ടത്തില്‍ കാണാത്തതില്‍ കുണ്ഠിതപ്പെടേണ്ട ,അവന്‍ ‘ആര്‍ക്കോ ആരോടോ പറയാനുള്ള’ വാക്കുകളെ വീണ്ടും വീണ്ടും രാകി മിനുക്കിക്കൊണ്ടു ഹോട്ടല്‍ മുറിയിലുണ്ട് ). കാലം ഞങ്ങള്‍ മൂവരിലും വരുത്തിയ രൂപപരിണാമങ്ങള്‍ ഒട്ടും തന്നെ ബാധിക്കാതെ, ഞങ്ങള്‍ അന്ന് മെനഞ്ഞെടുത്ത സ്വപ്നചിത്രം നിങ്ങള്‍ക്ക് വീണ്ടും തരുകയാണ്. തള്ളാനും കൊള്ളാനും ഉള്ള അവകാശം നിങ്ങള്‍ക്കാണ്. പരാതികളില്ല പരിഭവങ്ങളില്ല ,സ്‌നേഹം ,സ്‌നേഹം മാത്രം എ്ന്നാണ് അദ്ദേഹം കുറിച്ചിരിക്കുന്നത്.

വര്‍ഷങ്ങള്‍ക്ക് മുമ്പ് ദേവദൂതന്‍ റിലീസ് ചെയ്തപ്പോള്‍ വലിയ പരാജമായിരുന്നു ഏറ്റുവാങ്ങിയിരുന്നത്. 2000 ഡിസംബറിലായിരുന്നു ചിത്രം റിലീസ് ചെയ്തിരുന്നത്.