ബോളിവുഡില്‍ പ്രതിഫലത്തില്‍ മുന്നില്‍ ദീപിക പദുക്കോണ്‍

ബോളിവുഡില്‍ ഏറ്റവും കൂടുതല്‍ പ്രതിഫലം വാങ്ങുന്ന നടിയായി ദീപിക പദുക്കോണ്‍. ഒരു സിനിമക്കായി ദീപിക ഏതാണ്ട് 15 മുതല്‍ 20 കോടി വരെ പ്രതിഫലം വാങ്ങുന്നു എന്നാണ് പുറത്തുവന്ന റിപ്പോര്‍ട്ടുകള്‍ വ്യക്തമാക്കുന്നത്.

പട്ടികയില്‍ രണ്ടാം സ്ഥാനം നേടിയ ആലിയ ഭട്ട് ഓരോ ചിത്രത്തിനും 15 കോടി രൂപ പ്രതിഫലം വാങ്ങുന്നു എന്നാണ് കണക്ക് വ്യക്തമാക്കുന്നത്. സ്ത്രീ കേന്ദ്രീകൃത കഥാപാത്രങ്ങളായി അഭിനയിച്ച ചിത്രങ്ങള്‍ പലതും വലിയ ആരാധകരെ ആലിയക്ക് നേടി കൊടുത്തിരുന്നു. കൂടാതെ ബോക്‌സ് ഓഫീസ് ഹിറ്റുകളും സമ്മാനിച്ചതോടെ ആലിയയുടേയും താരമൂല്യം ഉയര്‍ന്നു.

കരീന കപൂറാണ് മൂന്നാം സ്ഥാനത്ത് എത്തിയിരിക്കുന്നത്. എട്ടു മുതല്‍ 11 കോടി രൂപ വരെ പ്രതിഫലമാണ് കരീന കപൂര്‍ ഓരോ സിനിമയ്ക്കും വാങ്ങുന്നത്. എട്ടു മുതല്‍ 10 കോടി വരെ പ്രതിഫലം വാങ്ങി ശ്രദ്ധ കപൂര്‍, കത്രീന കൈഫും കരീന കപൂറിന് പിന്നാലെയുണ്ട്. കൃതിസനം, കിയാര അദ്വാനി, കങ്കണ, താപ്‌സീ പന്നു എന്നിവരാണ് ഈ പട്ടികയിലുള്ള മറ്റു താരങ്ങള്‍