കാലാവസ്ഥ ചതിക്കരുത്; എമ്പുരാന്‍ സെറ്റില്‍ ദൈവത്തോട് പ്രാര്‍ത്ഥനയുമായി പൃഥ്വിരാജ്

മലയാളികള്‍ക്ക് ഏറെ പ്രിയയങ്കരനായ നടനാണ് പൃഥ്വിരാജ്. നടന്‍ മാത്രമല്ല സംവിധായകന്‍, നായകന്‍, നിര്‍മ്മാതാവ് എന്നീ നിലകളില്‍ എല്ലാം താരം കഴിവ് തെളിയിച്ച് കഴിഞ്ഞു.

ഇപ്പോള്‍ എമ്പുരാന്‍ ഷൂട്ടിംഗ് ലൊക്കേഷനില്‍ നിന്നും താരം പങ്കുവെച്ച് ഇന്‍സ്റ്റഗ്രാം സ്റ്റോറിയാണ് വൈറലായിരിക്കുന്നത്. ഗുജറാത്തിലാണ് ചിത്രത്തിന്റെ ഷൂട്ട് നടക്കുന്നത്. ഇവിടെ കാലാവസ്ഥ വലിയ വെല്ലുവിളി ഉയര്‍ത്തുകയാണ്.

പ്രിയപ്പെട്ട കാലാവസ്ഥാ ദൈവങ്ങളെ, ഇത് പൂര്‍ത്തിയാക്കാന്‍ എനിക്ക് നിങ്ങളുടെ കൈസഹായം വേണം.. എന്നാണ് ഇന്‍സ്റ്റഗ്രാം സ്റ്റോറില്‍ താരം കുറിച്ചിരിക്കുന്നത്.