Dileep Movie Bha Bha Ba
ദിലീപിനെ നായകനാക്കി നവാഗതനായ ധനഞ്ജയ് ശങ്കര് സംവിധാനം ചെയ്യുന്ന ‘ഭ.ഭ.ബ’ യുടെ ഫസ്റ്റ് ലുക്ക് പോസ്റ്റര് കഴിഞ്ഞ ദിവസമാണ് പുറത്തുവന്നത്. കമ്പിത്തിരിയില് നിന്ന് സിഗരറ്റ് കത്തിക്കുന്ന ദിലീപിനെയാണ് പോസ്റ്ററില് കാണുന്നത്. സമീപകാലത്ത് ഇറങ്ങിയ ദിലീപ് ചിത്രങ്ങളുടെ അപ്ഡേറ്റുകളില് ഏറ്റവും രസകരമായ ഒന്നാണ് ‘ഭ.ഭ.ബ’യുടേത്. ഈ സിനിമ ഒരു മുഴുനീള കോമഡി ചിത്രമാണോ എന്ന സംശയമാണ് ഇപ്പോള് ആരാധകര്ക്കുള്ളത്.
ഗോകുലം മൂവീസിന്റെ ബാനറില് ശ്രീ ഗോകുലം ഗോപാലന് നിര്മിക്കുന്ന ‘ഭ.ഭ.ബ’യുടെ ചിത്രീകരണം ജൂലൈ 14 നു ആരംഭിച്ചു. വിനീത് ശ്രീനിവാസന്, ധ്യാന് ശ്രീനിവാസന് എന്നിവരും ദിലീപിനൊപ്പം ഈ ചിത്രത്തില് അഭിനയിക്കുന്നുണ്ട്. കോമഡിക്ക് അപ്പുറം മാസ് ആക്ഷന് അഡ്വഞ്ചര് ഗണത്തില് ഉള്പ്പെടുന്ന സിനിമ കൂടിയാണ് ഇത്. ദിലീപിന്റെ മാസ് രംഗങ്ങള് അടക്കം ചിത്രത്തിലുണ്ടെന്നാണ് പുറത്തുവരുന്ന റിപ്പോര്ട്ട്.
സിദ്ധാര്ത് ഭരതന്, ബാലു വര്ഗീസ്, ബൈജു സന്തോഷ്, അശോകന്, സലിം കുമാര്, ജി.സുരേഷ് കുമാര്, ബിജു പപ്പന്, ദേവന്, വിജയ് മേനോന്, നോബി, റിയാസ് ഖാന്, സെന്തില് കൃഷ്ണ, റെഡിന് കിംഗ് സിലി, കോട്ടയം രമേഷ്, ഷമീര് ഖാന് (പ്രേമലു ഫെയിം), ഷിന്സ്, ശരണ്യ പൊന് വണ്ണന്, നൂറിന് ഷെരീഫ്, ധനശ്രീ, ലങ്കാ ലഷ്മി എന്നിവര്ക്കൊപ്പം പ്രശസ്ത കോറിയോഗ്രാഫര് ശാന്തി കുമാറും ഈ ചിത്രത്തില് പ്രധാന വേഷത്തില് എത്തുന്നു.
ഇന്ത്യന് ചലച്ചിത്ര സംഗീതത്തെ സമ്പന്നമാക്കിയ ഗായികയാണ് എസ്.…
ദക്ഷിണേന്ത്യന് സംഗീതലോകത്തിന്റെ വാനമ്പാടിയായ എസ്. ജാനകിയുടെ വിയോഗത്തില്…
ചിലര് തന്റെ മകനെ തട്ടിയെടുക്കാന് ശ്രമിക്കുന്നതായി രേണു…
നടന് കൃഷ്ണ കുമാറിന്റെ വീട്ടിലെ സംഭവങ്ങളാണ് കഴിഞ്ഞ…
ആഭ്യന്തര മന്ത്രി രമേശ് ചെന്നിത്തലയ്ക്ക് മറുപടിയുമായി നടി…