ആ മൂന്ന് വര്‍ഷങ്ങള്‍ ജീവിതത്തില്‍ വേണ്ടായിരുന്നു: സാമന്ത

തെന്നിന്ത്യന്‍ സിനിമ ലോകത്ത് ഇതിനോടകം തന്നെ ശക്തമായ സാനിധ്യമായി മാറി കഴിഞ്ഞ താരമാണ് സാമന്ത. യാതൊരു സിനിമാ പാരമ്പര്യവുമില്ലാതെ സിനിമാ ലോകത്തേക്ക് കടന്നുവന്ന സാമന്ത കുറഞ്ഞ കാലം കൊണ്ടാണ് വലിയ താരമൂല്യമുള്ള നായികയായി മാറിയത്. ഇന്ന് ദക്ഷിണേന്ത്യയില്‍ ഏറ്റവും കൂടുതല്‍ പ്രതിഫലം വാങ്ങുന്ന താരങ്ങളിലൊരാളാണ് സാമന്ത.

സ്‌ക്രീനിലേത് പോലെ തന്നെ താരത്തിന്റെ വ്യക്തി ജീവിതവും മാധ്യമങ്ങളിലും സാമൂഹിക ഇടങ്ങളിലും നിരന്തരം ചര്‍ച്ചയാകാറുണ്ട്. നഗചൈതന്യവുമായുള്ള ബന്ധം അവസാനിപ്പിച്ചത് ഏറെ വൈകിയാണ് ആരാധകര്‍ പലരും ഉള്‍ക്കൊണ്ടത്. പിന്നാലെ താരത്തിന് അസുഖം ബാധിക്കുകയും ചെയ്തു. മയോസൈറ്റിസ് എന്ന അസുഖമായിരുന്നു താരത്തെ ബാധിച്ചത്.

ഇപ്പോള്‍ കഴിഞ്ഞ മൂന്നുവര്‍ഷം തന്റെ ജീവിതത്തില്‍ വേണ്ടായിരുന്നു എന്ന് തോന്നിയിട്ടുണ്ടെന്നാണ് സാമന്ത പറയുന്നത്. ജീവിതത്തിലെ ചില കാര്യങ്ങള്‍ മാറ്റിയിരുന്നെങ്കിലെന്ന് നമ്മള്‍ ആഗ്രഹിക്കും. ഞാന്‍ ഇക്കാര്യങ്ങളിലൂടെയെല്ലാം കടന്ന് പോകേണ്ട ആവശ്യമുണ്ടായിരുന്നോ എന്ന് ചിലപ്പോള്‍ ചിന്തിക്കും. കുറച്ച് നാള്‍ മുമ്പ് ഇതേക്കുറിച്ച് ഞാന്‍ എന്റെ സുഹൃത്തുമായി സംസാരിച്ചു. കഴിഞ്ഞ് മൂന്ന് വര്‍ഷങ്ങള്‍ സംഭവിക്കരുതായിരുന്നു എന്നാണ് ഞാനെപ്പോഴും കരുതിയിരുന്നത്. പക്ഷെ ഇപ്പോള്‍ എനിക്ക് തോന്നുന്നത് ജീവിതത്തില്‍ നമുക്ക് നേരെ വരുന്ന കാര്യങ്ങള്‍ അഭിമുഖീകരിക്കണമെന്നാണ് എന്നുമാണ് സാമന്ത പറയുന്നത്.