ഷാരൂഖിന്റെ മന്നത്ത്‌ തനിക്ക് വേണമെന്ന് ആഗ്രഹമുണ്ട്: അനുഷ്‌ക ശര്‍മ്മ

ബോളിവുഡില്‍ ഇന്ന് ഏറ്റവുമധികം ആരാധക പിന്തുണയുള്ള താരങ്ങളിലൊരാളാണ് അനുഷ്‌ക ശര്‍മ. ആരും കൊതിക്കുന്ന വളര്‍ച്ചയായിരുന്നു സിനിമയില്‍ അനുഷ്‌ക തനിയെ നിന്ന് നേടിയെടുത്തത്. സിനിമ പശ്ചാത്തലമുള്ള കുടുംബമോ ഗോഡ് ഫാദര്‍മാരോ ഇല്ലാതെ തന്റെ സ്വന്തം അദ്ധ്വാനത്തിലായിരുന്നു അനുഷ്‌ക നേട്ടങ്ങളുടെ കൊടുമുടി കയറിയത്.

വീരാട് കൊഹ്ലിയെയാണ് താരം വിവാഹം ചെയ്തിരിക്കുന്നത്. ഇരുവരുടേയും പ്രണയവും വിവാഹവുമെല്ലാം ആരാധകരും മാധ്യമങ്ങളും ആഘോഷമാക്കി മാറ്റിയതാണ്. ഇവര്‍ക്ക് ഒരു കുഞ്ഞുമുണ്ട്.

ഇപ്പോള്‍ ഷാരൂഖ് ഖാനില്‍ നിന്നും മോഷ്ടിക്കാന്‍ സാധ്യതയുള്ളതെന്തെന്ന് വ്യക്തമാക്കുകയാണ് താരം. ഇപ്പോഴിതാ ഷാരൂഖ് ഖാന്റെ വീടായ മന്നത്തിനോടുള്ള തന്റെ താല്‍പര്യം വ്യക്തമാക്കുകയാണ് നടി അനുഷ്‌ക ശര്‍മ. ഷാരൂഖില്‍ നിന്ന് എന്തെങ്കിലും മോഷ്ടിക്കാന്‍ ആഗ്രഹിക്കുന്നുണ്ടെങ്കില്‍ അത് അദ്ദേഹത്തിന്റെ വസതിയാണെന്നാണ് അനുഷ്‌ക പറയുന്നത്. ഷാറൂഖിന്റെ സാന്നിധ്യത്തിലായിരുന്നു ഇക്കാര്യം പറഞ്ഞത്.