Suresh Gopi in Gaganachari
ഗോകുല് സുരേഷ്, അജു വര്ഗീസ്, ഗണേഷ് കുമാര്, അനാര്ക്കലി മരിക്കാര് എന്നിവരെ കേന്ദ്ര കഥാപാത്രങ്ങളാക്കി അരുണ് ചന്തു സംവിധാനം ചെയ്ത ഗഗനചാരിക്ക് രണ്ടാം ഭാഗം. സൂപ്പര്താരം സുരേഷ് ഗോപി രണ്ടാം ഭാഗത്തില് അഭിനയിക്കുന്നുണ്ട്. ഗഗനചാരി രണ്ടാം ഭാഗത്തിലെ തന്റെ കഥാപാത്രത്തിന്റെ പേരും ലുക്കും സുരേഷ് ഗോപി സോഷ്യല് മീഡിയയില് പങ്കുവെച്ചു.
ഗഗനചാരി യൂണിവേഴ്സിലെ മണിയന് ചിറ്റപ്പന് എന്ന ശാസ്ത്രജ്ഞന്റെ വേഷത്തിലാണ് സുരേഷ് ഗോപി എത്തുന്നത്. താടിയും മുടിയും നീട്ടിവളര്ത്തി വമ്പന് മേക്കോവറിലാണ് സുരേഷ് ഗോപിയുടെ ക്യാരക്ടര് കാണപ്പെടുന്നത്. മലയാളത്തില് ഒരു യൂണിവേഴ്സ് സിനിമയില് താന് അഭിനയിക്കാന് പോകുന്നുവെന്ന് മുന്പ് ഒരു അഭിമുഖത്തില് സുരേഷ് ഗോപി വെളിപ്പെടുത്തിയിരുന്നു. ആ സിനിമയാണ് ഗഗനചാരി.
തിയറ്ററുകളില് പ്രദര്ശനം തുടരുന്ന ഗഗനചാരിക്ക് പ്രേക്ഷകരില് നിന്ന് മികച്ച പ്രതികരണങ്ങളാണ് ലഭിക്കുന്നത്. സംവിധായകനായ അരുണ് ചന്തുവിനൊപ്പം ശിവ സായ് കൂടി ചേര്ന്നാണ് ചിത്രത്തിന്റെ തിരക്കഥ. വിനായക അജിത്താണ് നിര്മാണം.
ഇന്ത്യന് ചലച്ചിത്ര സംഗീതത്തെ സമ്പന്നമാക്കിയ ഗായികയാണ് എസ്.…
ദക്ഷിണേന്ത്യന് സംഗീതലോകത്തിന്റെ വാനമ്പാടിയായ എസ്. ജാനകിയുടെ വിയോഗത്തില്…
ചിലര് തന്റെ മകനെ തട്ടിയെടുക്കാന് ശ്രമിക്കുന്നതായി രേണു…
നടന് കൃഷ്ണ കുമാറിന്റെ വീട്ടിലെ സംഭവങ്ങളാണ് കഴിഞ്ഞ…
ആഭ്യന്തര മന്ത്രി രമേശ് ചെന്നിത്തലയ്ക്ക് മറുപടിയുമായി നടി…