എന്റെ തെരഞ്ഞെടുപ്പുകളില്‍ എനിക്കെപ്പോഴും അഭിമാനമുണ്ട്: അഭയ

എന്നും വിമര്‍ശനങ്ങള്‍ വിടാതെ പിന്തുടരുന്ന താരമാണ് അഭയ ഹിരണ്‍മയി. ഡ്രസ്സിന്റെ പേരിലും സ്വന്തം സ്വകാര്യ ജീവിതത്തിന്റെ പേരിലും എല്ലാം വലിയ രീതിയിലുള്ള വിമര്‍ശനങ്ങളാണ് താരത്തിന് നേരിടേണ്ടി വരാറ്.

എന്നാല്‍ വിമര്‍ശനങ്ങളെ എല്ലാം ചിരിച്ച് തള്ളുന്ന താരമാണ് അഭയ. അതിനാല്‍ തന്നെ അതീവ ഗ്ലാമറസ് ചിത്രങ്ങള്‍ താരം എന്നും സോഷ്യല്‍ മീഡിയയില്‍ പങ്കുവെക്കാറുണ്ട്. അതുപോലെ ഗോപി സുന്ദരിനൊപ്പം ജീവിച്ചപ്പോള്‍ ഉണ്ടായ വിമര്‍ശനങ്ങളെയും ബ്രേക്കപ്പായപ്പോള്‍ ഉണ്ടായ വിമര്‍ശനങ്ങളെയും എല്ലാം താരം വളരെ കൂളായിട്ടാണ് നേരിട്ടത്.

ഇപ്പോള്‍ അമ്മയ്‌ക്കൊപ്പം പാടുന്ന വീഡിയോ പങ്കുവെച്ചപ്പോള്‍ ഗോപി സുന്ദറുമായി ബന്ധപ്പെടുത്തിയായിരുന്നു മിക്ക കമന്റുകളും. ആ ഗോപിയെ വിട്ടതിനു ശേഷമാണ് നിങ്ങള്‍ക്ക് നല്ലൊരു ജീവിതം ഉണ്ടായത് എന്നായിരുന്നു ഒരാളുടെ കമന്റ്. ഗോപി പോയതിന് ശേഷം നല്ല ലുക്ക് വന്നു, ജീവിതത്തിലും. കാരണം നിങ്ങള്‍ ഇപ്പോള്‍ ഒറ്റക്ക് ആണ് എന്നായിരുന്നു മറ്റൊരു കമന്റ്. ഇതിന് അങ്ങനെയൊരു തെറ്റ് ചെയ്തതായി എനിക്ക് തോന്നിയിട്ടില്ല. എന്റെ തെരഞ്ഞെടുപ്പുകളില്‍ എനിക്കെപ്പോഴും അഭിമാനമുണ്ട് എന്നാണ് താരം പറയുന്നത്.