സിനിമയില്‍ നിന്നും തനിക്ക് അവസരങ്ങള്‍ നഷ്ടമാവുകയാണ്: മംമ്ത

പ്രേക്ഷകര്‍ക്ക് ഏറെ പ്രിയങ്കരിയായ താരമാണ് മംമ്ത മോഹന്‍ദാസ്. ക്യാനസറിനെ അതിജീവിച്ച് താരം അഭിനയ ലോകത്തെക്ക് വലിയ തിരിച്ച് വരവാണ് നടത്തിയത്.

മയൂഖം എന്ന സിനിമയിലെ ശ്രദ്ധേയമായ വേഷത്തിലൂടെ മലയാള സിനിമയിലേക്കും മലയാളി മനസിലേക്കും കടന്നുവന്ന താരമാണ് മംമ്ത മോഹന്‍ദാസ്. അഭിനേത്രിയായും പിന്നണി ഗായികയായും തിളങ്ങിയ താരം നിര്‍മ്മാതാവിന്റെ കുപ്പായത്തിലും തന്റെ വ്യക്തിമുദ്ര പതിപ്പിച്ചു.

ഇപ്പോള്‍ തമിഴ് സിനിമയില്‍ നിന്നും ഇടവേള എടുത്തതിനെ കുറിച്ച് സംസാരിക്കുകയാണ് താരം. അസുഖമാണെന്ന് കരുതിയാണ് പല തമിഴ് സിനിമകളും തനിക്ക് ലഭിക്കാത്തത്. താന്‍ നാട്ടില്‍ ഇല്ല, അമേരിക്കയിലാണ്, ചികിത്സയിലാണ് എന്നെക്കെയാണ് അന്വേഷിച്ചപ്പോള്‍ അറിഞ്ഞത് എന്നാണ് തമിഴ്‌നില്‍ നിന്നും ചിലര്‍ തന്നോട് പറഞ്ഞത്. ഇത്തരത്തില്‍ തനിക്ക് അവസരങ്ങള്‍ നഷ്ടമായിട്ടുണ്ടെന്നാണ് താരം പറയുന്നത്.