മുറപ്പെണ്ണ് കോകിലയ്‌ക്കൊപ്പം ബാല; ഭാര്യയെ തിരക്കി പാപ്പരാസികള്‍

മുറപ്പെണ്ണ് കോകിലയ്‌ക്കൊപ്പമുള്ള ചിത്രവുമായി നടന്‍ ബാല. സോഷ്യല്‍ മീഡിയയിലാണ് കോകിലയ്‌ക്കൊപ്പമുള്ള ചിത്രം അടങ്ങിയ വീഡിയോ ബാല പങ്കുവെച്ചത്. കോകിലയെ ചേര്‍ത്തുപിടിച്ചു നില്‍ക്കുന്ന ബാലയെ ഫോട്ടോയില്‍ കാണാം.

‘ എന്റെ ത്യാഗങ്ങള്‍ ഒന്നും ഭീരുത്വമല്ല, അത് എന്റെ കൃതജ്ഞതയായി പരിഗണിക്കുക, 16 വര്‍ഷത്തിനു ശേഷം ഞാന്‍ സമാധാനത്തിലും ദൈവസ്‌നേഹത്തിലും ജീവിക്കുന്നു. അതിന്റെ അര്‍ത്ഥം ഞാന്‍ എന്റെ ഭൂതകാലത്തെ മറക്കുന്നു എന്നാണ്,’ ഈ അടിക്കുറിപ്പോടെയാണ് ബാല വീഡിയോ പങ്കുവെച്ചിരിക്കുന്നത്.

നിരവധി പാപ്പരാസികളാണ് ഈ വീഡിയോയ്ക്കു താഴെ മോശം കമന്റുകളുമായി എത്തിയിരിക്കുന്നത്. മുറപ്പെണ്ണുമായി വിവാഹ നിശ്ചയം കഴിഞ്ഞോ എന്നും ഭാര്യ എലിസബത്തിനെ കാണാനില്ലല്ലോ എന്നും പലരും കമന്റ് ബോക്‌സില്‍ ചോദിച്ചിട്ടുണ്ട്. കഴിഞ്ഞ ദിവസം കോകിലയ്ക്കു ബിരിയാണി വാരിക്കൊടുക്കുന്ന വീഡിയോയും ബാല പങ്കുവെച്ചിരുന്നു.