മന്ത്രിയുടെ കൂടെ ഇരിക്കാന്‍ യോഗ്യതയില്ലെന്ന് പറഞ്ഞ് തന്നെ ഒഴിവാക്കി: അമൃത

ആരാധകര്‍ക്ക് ഏറെ പ്രിയങ്കരിയായ നടിയാണ് അമൃത നായര്‍. സോഷ്യല്‍ മീഡിയയില്‍ സജീവ സാന്നിധ്യമായ അമൃത ആരാധകര്‍ക്കായി ചിത്രങ്ങളും വീഡിയോയും പങ്കുവെയ്ക്കാറുണ്ട്.

ഒരിടത്തൊരു രാജകുമാരി, കുടുംബവിളക്ക് എന്നീ സീരിയലുകളില്‍ താരം അഭിനയിച്ചിട്ടുണ്ട്. ഇതിലൂടെയാണ് താരം പ്രേക്ഷക ശ്രദ്ധ പിടിച്ചു പറ്റിയത്.

ഇപ്പോള്‍ സ്വന്തം നാട്ടില്‍ നിന്നും നേരിട്ട മോശം അനുഭവം പറയുകയാണ് താരം. താന്‍ പഠിച്ച സ്‌കൂളിന്റെ ഒരു പരിപാടിയിലേക്ക് പോകാന്‍ ക്ഷണം ലഭിച്ചിരുന്നു. എല്ലാ തിരക്കുകളും മാറ്റി പോകാം എന്ന് ഏറ്റു. എന്നാല്‍ തലേ ദിവസം തന്നെ ഒഴിവാക്കി എന്ന് വിളിച്ചു പറഞ്ഞു. മന്ത്രിയുടെ കൂടെ ഇരിക്കാന്‍ യോഗ്യതയില്ല എന്നതാണ് കാരണമായി പറഞ്ഞത്. തനിക്ക് വലിയ വിഷമം തോന്നി എന്നുമാണ് താരം പറയുന്നത്.