വയസ് കൂടുമ്പോള്‍ ജീവിതത്തില്‍ സന്തോഷവും കൂടുകയാണ്: പ്രിയാ മണി

മലയാളികള്‍ക്ക് ഏറെ പ്രിയപ്പെട്ട നടിയാണ് പ്രിയാമണി. മോഹന്‍ലാല്‍, മമ്മൂട്ടി തുടങ്ങിയ സൂപ്പര്‍താരങ്ങള്‍ക്കൊപ്പമെല്ലാം പ്രിയാമണി അഭിനയിച്ചിട്ടുണ്ട്. തെന്നിന്ത്യന്‍ സിനിമയിലും ബോളിവുഡിലും പ്രിയാമണി തന്റെ സാന്നിധ്യം അറിയിച്ചിട്ടുണ്ട്.

ബാംഗ്ലൂരില്‍ ജനിച്ചുവളര്‍ന്ന പ്രിയാമണി, ചലച്ചിത്രരംഗത്തു വരുന്നതിനുമുമ്പ്, മോഡലിംഗ് രംഗത്തു പ്രവര്‍ത്തിച്ചിരുന്നു. 2002ല്‍ തെലുങ്കു ചലച്ചിത്രമായ എവാരെ അട്ടഗാഡും (2003) എന്ന ചിത്രത്തിലെ നായികയായി അരങ്ങേറ്റംനടത്തിയെങ്കിലും ഈച്ചിത്രം ബോക്‌സോഫീസില്‍ പരാജയപ്പെട്ടു.

കഴിഞ്ഞ ദിവസം താരത്തിന്റെ 40-ാം പിറന്നാളായിരുന്നു. ആശംസകള്‍ അറിച്ച എല്ലാവര്‍ക്കും താരം നന്ദി അറിയിച്ചു. വയസ്സാവുന്തോറും ജീവിതത്തില്‍ ഞാന്‍ സന്തോഷവതിയാണ്. ആശംസ അറിയിച്ചവര്‍ക്കെല്ലാം നന്ദി എന്നാണ് താരം പറയുന്നത്.