ഇപ്പോള്‍ ലഭിക്കുന്നതെല്ലാം തനിക്ക് ബോണസാണ്: ഫഹദ് ഫാസില്‍

മലയാളികള്‍ക്ക് ഏറെ പ്രിയങ്കരനായ നടനാണ് ഫഹദ് ഫാസില്‍. കരിയറിന്റെ തുടക്കത്തില്‍ കനത്ത പരാജയം നേരിടേണ്ടി വന്ന നടനാണ് ഫഹദ്. പിന്നീട് വര്‍ഷങ്ങളോളം സിനിമയുടെ ഒരിടത്തും ഫഹദിനെ കണ്ടില്ല. എന്നാല്‍ വര്‍ഷങ്ങള്‍ക്ക് ശേഷം ഫഹദ് തിരിച്ചെത്തിയപ്പോള്‍ മലയാള സിനിമ കണ്ട ഏറ്റവും മികച്ച തിരിച്ചുവരവുകളില്‍ ഒന്നായി അത് മാറി.

ഇപ്പോള്‍ മലയാളവും കടന്ന് തെന്നിന്ത്യയൊട്ടാകെ തിളങ്ങി നില്‍ക്കുകയാണ് നടനിപ്പോള്‍. തമിഴിലും തെലുങ്കിലുമെല്ലാമായി ഒരുപിടി സൂപ്പര്‍ ഹിറ്റ് സിനിമകളില്‍ ഫഹദ് അഭിനയിച്ചു കഴിഞ്ഞു. വിക്രം, പുഷ്പ, മാമന്നന്‍ തുടങ്ങിയ സിനിമകളിലൂടെ തെന്നിന്ത്യന്‍ സിനിമാ ലോകത്ത് വലിയൊരു ഓളം സൃഷ്ടിച്ചടിച്ചിരിക്കുകയാണ് ഫഹദ് ഫാസില്‍.

കെയ്യെത്തും ദൂരത്തായിരുന്നു താരത്തിന്റെ ആദ്യ സിനിമ. എന്നാല്‍ സിനിമ വലിയ പരാജയമായിരുന്നു. ശേഷം താരം അമേരിക്കയിലേക്ക് പഠിക്കാന്‍ പോയി. തിരിച്ച് വന്ന് കേരള കഫേയിലാണ് അഭിനയിച്ചത്. ഇപ്പോള്‍ തനിക്ക് കിട്ടയ വേഷങ്ങള്‍ എല്ലാം വലിയ ബോണസാണെന്ന് പറയുകയാണ് താരം. അമേരിക്കയില്‍ നിന്നും വന്ന് രണ്ട് സിനിമ ചെയ്യാന്‍ മാത്രമാണ് താന്‍ അഗ്രഹിച്ചത്. ബാക്കി എല്ലാം ബോണസാണ് എന്നാണ് താരം പറയുന്നത്.