Omar Lulu
യുവനടിയെ ബലാത്സംഗ ചെയ്‌തെന്ന കേസില്‍ സംവിധായകന്‍ ഒമര്‍ ലുലുവിന് മുന്‍കൂര്‍ ജാമ്യം. അറസ്റ്റ് ഉണ്ടാകുകയാണെങ്കില്‍ 50,000 രൂപയുടെ രണ്ട് ആള്‍ജാമ്യത്തില്‍ വിട്ടയയ്ക്കണമെന്നാണ് കോടതിയുടെ ഉത്തരവ്. ഹൈക്കോടതിയാണ് ഒമറിന്റെ മുന്‍കൂര്‍ ജാമ്യ ഹര്‍ജി പരിഗണിച്ചത്.
യുവ നടിയുമായി ഉണ്ടായത് ഉഭയകക്ഷി സമ്മതപ്രകാരമുള്ള ബന്ധം മാത്രമാണെന്ന് ഒമര്‍ ലുലു കോടതിയെ അറിയിച്ചു. ഹര്‍ജിയിന്മേലുള്ള വിശദമായ വാദം ജൂണ്‍ ആറിലേക്ക് മാറ്റി. സിനിമയില്‍ അവസരം വാഗ്ദാനം ചെയ്ത് ഒമര്‍ ലുലു നിരവധി തവണ തന്നെ ബലാത്സംഗം ചെയ്തു എന്നാണ് നടി പരാതിയില്‍ പറയുന്നത്. നെടുമ്പാശ്ശേരി പോലീസ് ആണ് നടിയുടെ മൊഴി രേഖപ്പെടുത്തിയത്.
കൊച്ചി സ്ഥിരതാമസമാക്കിയ നടിയെ കഴിഞ്ഞ ജനുവരി മുതല്‍ ഏപ്രില്‍ വരെയുള്ള കാലയളവില്‍ ഒമര്‍ ലുലു സൗഹൃദം നടിച്ചും സിനിമയില്‍ അവസരം നല്‍കാമെന്ന ധരിപ്പിച്ചും വിവിധ സ്ഥലങ്ങളില്‍ വെച്ച് ബലാത്സംഗം ചെയ്തു എന്നാണ് പരാതി. കൊച്ചി സിറ്റി പോലീസിന് നല്‍കിയ പരാതി പിന്നീട് നെടുമ്പാശ്ശേരി പോലീസിന് കൈമാറുകയായിരുന്നു.
ഒമര്‍ ലുലുവിന്റെ മുന്‍ സിനിമയിലും യുവ നടി അഭിനയിച്ചിട്ടുണ്ട്. നടിയുമായി യാത്രകള്‍ ചെയ്തിട്ടുണ്ട് എന്നും അടുത്ത സൗഹൃദം ഉണ്ടെന്നും സംവിധായകന്‍ തന്നെ പറഞ്ഞിരുന്നു. എന്നാല്‍ സൗഹൃദം ഉപേക്ഷിച്ചതോടെ തന്നോട്ട് വ്യക്തിവിരോധം ആയെന്നും ഇതാണ് പരാതിക്ക് പിറകിലെന്ന് സംശയിക്കുന്നതായും ഒമര്‍ പറഞ്ഞു.
സൗബിന്‍ ഷാഹിറും നവ്യ നായരും പ്രധാന വേഷത്തില്‍…
ഡോക്യുമെന്ററി വിവാദത്തിനിടെ ഒരേ ചടങ്ങില്‍ പങ്കെടുത്ത് നയന്‍താരയും…
വിനായകന്‍ നായകനായി എത്തുന്ന പെരുന്നാള്‍ എന്ന ചിത്രത്തിലേക്ക്…
അജിത് കുമാര്‍ നായകനായി പുറത്തിറങ്ങാന്‍ ഇരിക്കുന്ന ചിത്രമായ…
നയന്‍താരയെ 'ലേഡി സൂപ്പര്‍സ്റ്റാര്‍' എന്നു വിശേഷിപ്പിച്ച നടി…