താന്‍ നല്ലൊരു അമ്മയല്ലെന്ന് തോന്നിയിട്ടുണ്ട് : കാജല്‍

ഉത്തരേന്ത്യയില്‍ ഏറെ ആരാധകരുള്ള നടിയാണ് കാജല്‍ അഗര്‍വാള്‍. 2004 ലെ ബോളിവുഡ് ചിത്രമായ ക്യുന്‍ ഹോ ഗയ നാ എന്ന ചിത്രത്തിലൂടെയാണ് കാജല്‍ അഭിനയരംഗത്തേക്ക് കടന്നത്. മുതിര്‍ന്ന തമിഴ് സംവിധായകന്‍ ഭാരതിരാജയുടെ ബോമ്മലട്ടത്തില്‍ അര്‍ജുന്‍ സര്‍ജയ്‌ക്കൊപ്പം അഭിനയിച്ചു.

സിനിമയില്‍ തിളങ്ങി നില്‍ക്കുന്ന സമയത്തായിരുന്നു കാജലിന്റെ വിവാഹം. ബിസിനസുകാരനായ ഗൗതം കിച്ച്‌ലുവിനെയാണ് താരം വിവാഹം ചെയ്തിരിക്കുന്നത്. കഴിഞ്ഞ വര്‍ഷം താരം ഒരു കുഞ്ഞിനും ജന്മം നല്‍കി.

കുഞ്ഞ് പിറന്ന് രണ്ട് മാസം കഴിഞ്ഞ ഉടന്‍ തന്നെ താരം അഭിനയ ജീവിതത്തിലേക്ക് തിരികെ എത്തിയിരുന്നു. ഇപ്പോള്‍ ആ കാലഘട്ടത്തെക്കുറിച്ച് സംസാരിക്കുകയാണ് താരം. തിരുപ്പതിയില്‍ നിന്നും ഷൂട്ടിം?ഗ് സ്ഥലത്തേക്ക് രണ്ട് മണിക്കൂര്‍ യാത്രയുണ്ട്. അമ്മയെയും സഹായികളെയും തിരുപ്പതിയില്‍ എത്തിച്ചു. രാവിലെ ഷൂട്ടിം?ഗിന് പോകും. കുഞ്ഞിന് പാല്‍ പമ്പ് ചെയ്ത് അയക്കും. ആറ് മണിക്കൂറോളം കുഞ്ഞിന് പാല്‍ അയക്കാന്‍ ഡ്രൈവര്‍ വണ്ടി ഓടിക്കണം. എല്ലാ ദിവസവും ഇങ്ങനെ ചെയ്തു. മറ്റൊരു വഴി ഉണ്ടായിരുന്നില്ല. പോസ്റ്റപാര്‍ട്ടം ഡിപ്രഷന്‍ ഉണ്ടായിരുന്നു. ആ സമയത്ത് നല്ല അമ്മയല്ലെന്നുള്ള തോന്നല്‍ പോലും തനിക്കുണ്ടായിരുന്നു എന്നും താരം പറയുന്നു.