ഫെയ്‌സ്ബുക്ക് ഹാക്ക് ആയത് എങ്ങനെ; വിഷ്ണു ഉണ്ണിക്കൃഷ്ണന്‍ പറയുന്നു

ആരാധകര്‍ക്ക് ഏറെ പ്രിയങ്കരനായ നടനാണ് വിഷ്ണു ഉണ്ണിക്കൃഷ്ണന്‍. 2003ല്‍ സിബി മലയില്‍ സംവിധാനം ചെയ്ത എന്റെ വീട് അപ്പൂന്റേം എന്ന ചിത്രത്തിലൂടെയാണ് നടന്‍ സിനിമയില്‍ എത്തുന്നത്. 16ാംമത്തെ വയസിലാണ് സിനിമാ അരങ്ങേറ്റം.

നാദിര്‍ഷയുടെ ആദ്യ സംവിധാന സംരഭമായ അമര്‍ അക്ബര്‍ അന്തോണി എന്ന ചിത്രത്തിന് വേണ്ടിയാണ് വിഷ്ണു ഉണ്ണികൃഷ്ണന്‍ ആദ്യമായി തിരക്കഥ എഴുതുന്നത്. ചിത്രം ബോക്‌സോഫീസ് ബ്ലോക്ബസ്റ്ററായിരുന്നു. 2016ല്‍ നാദിര്‍ഷ സംവിധാനം ചെയ്ത കട്ടപ്പനയിലെ ഋത്വിക് റോഷന്‍ എന്ന ചിത്രത്തിലെ നായകനായി തെരഞ്ഞെടുത്തത് വിഷ്ണു ഉണ്ണികൃഷ്ണനെയായിരുന്നു. നവംബര്‍ 11ന് തിയേറ്ററുകളില്‍ പ്രദര്‍ശനത്തിന് എത്തിയ ചിത്രം വമ്പന്‍ വിജയമായിരുന്നു.

കഴിഞ്ഞ ദിവസം താരത്തിന്റെ ഫെയ്‌സ്ബുക്ക് ഹാക്ക് ചെയ്യപ്പെട്ടിരുന്നു. ഇപ്പോള്‍ അതേക്കുറിച്ച് സംസാക്കുകയാണ് താരം. നോട്ടിഫിക്കേഷനായി വന്ന പേജ് ക്ലിക്ക് ചെയ്താതാണ് തനിക്ക് പണി കിട്ടയത് എന്നാണ് താരം പറയുന്നത്. ഹാക്കര്‍മാര്‍ അയച്ച ലിങ്കായിരുന്നു അത്. അതിലാണ് താന്‍ ക്ലിക്ക് ചെയ്തത്. അതിനാല്‍ അനാവശ്യ ലിങ്കുകളില്‍ ക്ലിക്ക് ചെയ്യരുത് എന്നാണ് താരം പറയുന്നത്.