പ്രണവ് സ്‌ക്രിപ്റ്റ് ഇംഗ്ലീഷിലേക്ക് ട്രാന്‍സ്‌ലേറ്റ് ചെയ്ത് പഠിച്ച് മനസിലാക്കും: വിനീത്

ആരാധകര്‍ക്ക് ഏറെ പ്രിയപ്പെട്ട താരകുടുംബമാണ് ശ്രീനിവാസന്റേത്. അച്ഛന്റെ പാത പിന്തുടര്‍ന്ന് മക്കളാണ് വിനീതും ധ്യാനും സിനിമാ രംഗത്ത് സജീവമാണ്. ശ്രീനിവാസനെപ്പോലെ തന്നെ സകലകലാവല്ലഭനാണ് വിനീത്. ഗായകന്‍, നടന്‍, സംവിധായകന്‍ എന്നീ നിലകളില്‍ എല്ലാം താരം കഴിവ് തെളിയിച്ച് കഴിഞ്ഞു.

ധ്യാന്‍ ശ്രീനിവാസനും ഒട്ടും മോശക്കാരനല്ല. ധ്യാനിന്റെ ഇന്റര്‍വ്യൂകളെല്ലാം വലിയ ഹിറ്റാകാറുണ്ട്. വലിയ രീതിയിലുള്ള പിന്തുണയാണ് ധ്യാനിന്റെ എല്ലാ ഇന്റര്‍വ്യൂകള്‍ക്കും കിട്ടാറ്. എല്ലാ കാര്യങ്ങളും ഒട്ടും മടികൂടാതെ ആരാധകര്‍ക്ക് മുന്നില്‍ തുറന്ന് പറയുന്ന പ്രകൃതമാണ് ധ്യാനിന്റേത്.

ഇപ്പോള്‍ പ്രണവ് മോഹന്‍ലാലിനെക്കുറിച്ച് പറയുകയാണ് താരം. ഒരു സിനിമയ്ക്ക് വേണ്ടി തന്റെ കഴിവുകള്‍ മുഴുവന്‍ ഉപയോഗിക്കുന്ന ആളാണ് പ്രണവ്. കുറേക്കാലം പുറത്തായതിനാല്‍ അവന് മലയാളം കൃത്യമായി അറിയില്ല. അതുകൊണ്ട് പ്രണവ് സ്‌ക്രിപ്പ് ഇംഗ്ലീഷിലേക്ക് ട്രാന്‍സ്‌ലേറ്റ് ചെയത് മനസിലാക്കിയാണ് പഠിക്കുന്നത് എന്നും പ്രണവ് പറയുന്നു.