ദൃശ്യം 2 വിലെ വക്കീല്‍, നേരിന്റെ തിരക്കഥാകൃത്ത്; ആളെ മനസ്സിലായോ?

ദൃശ്യം 2 വിലൂടെ മലയാളികള്‍ക്ക് ഏറെ സുപരിചിതയായ താരമാണ് ശാന്തി മായാദേവി. ദൃശ്യം 2 വില്‍ മോഹന്‍ലാല്‍ അവതരിപ്പിച്ച ജോര്‍ജ്ജുകുട്ടി എന്ന കഥാപാത്രത്തിനു വേണ്ടി കോടതിയില്‍ വാദിക്കുന്നത് ശാന്തിയാണ്. പിന്നീട് ജീത്തു ജോസഫ് സംവിധാനം ചെയ്ത നേര് എന്ന സൂപ്പര്‍ഹിറ്റ് ചിത്രത്തിന്റെ തിരക്കഥാകൃത്തായും ശാന്തിയെ മലയാളികള്‍ കണ്ടു. നേരില്‍ ശ്രദ്ധേയമായ വേഷത്തില്‍ ശാന്തി അഭിനയിച്ചിട്ടുമുണ്ട്.

റിയല്‍ ലൈഫില്‍ ഒരു വക്കീല്‍ തന്നെയാണ് താരം. എങ്കിലും സിനിമയാണ് താരത്തിന്റെ ഏറ്റവും വലിയ സ്വപ്നം. സോഷ്യല്‍ മീഡിയയില്‍ സജീവ സാന്നിധ്യമായ ശാന്തി തന്റെ ചിത്രങ്ങളും വിശേഷങ്ങളും ആരാധകര്‍ക്കായി പങ്കുവെയ്ക്കാറുണ്ട്. ശാന്തി പങ്കുവെച്ച മേക്കോവര്‍ ചിത്രങ്ങളാണ് ഇപ്പോള്‍ ശ്രദ്ധ നേടിയിരിക്കുന്നത്.

മോഡേണ്‍ ഔട്ട്ഫിറ്റില്‍ ഗ്ലാമറസ് ലുക്കിലാണ് താരത്തെ കാണുന്നത്. ഇന്‍സ്റ്റഗ്രാമിലാണ് ശാന്തി പുതിയ ചിത്രങ്ങള്‍ പങ്കുവെച്ചിരിക്കുന്നത്. ആളെ മനസ്സിലാകുന്നില്ലെന്നാണ് ആരാധകരുടെ കമന്റ്.