ധ്യാന്‍ വരുമ്പോള്‍ തനിക്ക് അപ്പുവിന്റെ കാര്യം ആലോചിച്ച് ടെന്‍ഷനായിരുന്നു: വിനീത്

ആരാധകര്‍ക്ക് ഏറെ പ്രിയപ്പെട്ട താരകുടുംബമാണ് ശ്രീനിവാസന്റേത്. അച്ഛന്റെ പാത പിന്തുടര്‍ന്ന് മക്കളാണ് വിനീതും ധ്യാനും സിനിമാ രംഗത്ത് സജീവമാണ്. ശ്രീനിവാസനെപ്പോലെ തന്നെ സകലകലാവല്ലഭനാണ് വിനീത്. ഗായകന്‍, നടന്‍, സംവിധായകന്‍ എന്നീ നിലകളില്‍ എല്ലാം താരം കഴിവ് തെളിയിച്ച് കഴിഞ്ഞു.

ധ്യാന്‍ ശ്രീനിവാസനും ഒട്ടും മോശക്കാരനല്ല. ധ്യാനിന്റെ ഇന്റര്‍വ്യൂകളെല്ലാം വലിയ ഹിറ്റാകാറുണ്ട്. വലിയ രീതിയിലുള്ള പിന്തുണയാണ് ധ്യാനിന്റെ എല്ലാ ഇന്റര്‍വ്യൂകള്‍ക്കും കിട്ടാറ്. എല്ലാ കാര്യങ്ങളും ഒട്ടും മടികൂടാതെ ആരാധകര്‍ക്ക് മുന്നില്‍ തുറന്ന് പറയുന്ന പ്രകൃതമാണ് ധ്യാനിന്റേത്.

ഇപ്പോള്‍ അനിയന്‍ ധ്യാനിനെക്കുറിച്ച് പ്രണവ് മോഹന്‍ലാലിനെക്കുറിച്ചും പറയുകയാണ് വിനീത്. വിനീതിന്റെ പുതിയ സിനിമയായ വര്‍ഷങ്ങള്‍ക്കു ശേഷത്തില്‍ ധ്യാനും പ്രണവും അഭിനയിച്ചിട്ടുണ്ട്. ഈ സിനിമയുടെ സെറ്റില്‍ വെച്ചാണ് ധ്യാനും അപ്പുവും അദ്യമായി കാണുന്നത്. അതുകൊണ്ട് ധ്യാന്‍ ആദ്യമായി സെറ്റില്‍ വരുമ്പോള്‍ എനിക്ക് അപ്പുവിന്റെ കാര്യം ഓര്‍ത്ത് ടെന്‍ഷനായിരുന്നു. എന്നാല്‍ അവര്‍ പെട്ടെന്ന് സിങ്കായി എന്നും വിനീത് പറയുന്നു.