അച്ഛന് താന്‍ സിനിമയില്‍ വരുന്നത് പേടിയായിരുന്നു: അമല പോള്‍

മലയാളക്കരയില്‍ നിന്നെത്തി തെന്നിന്ത്യയാകെ തന്റെ സാനിധ്യമറിയിച്ച താരമാണ് അമല പോള്‍. തമിഴിലും തെലുങ്കിലുമെല്ലാം തിളങ്ങിയ താരം മുന്‍നിര നായക കഥാപാത്രങ്ങള്‍ക്കപ്പം സ്‌ക്രീന്‍ സ്‌പെയ്‌സ് പങ്കുവെക്കുകയും ചെയ്തിട്ടുണ്ട്.

സിനിമിയിലെന്നതുപോലെ തന്നെ അമലയുടെ വ്യക്തി ജീവിതവും എന്നും വാര്‍ത്തകളില്‍ നിറഞ്ഞു നിന്നിരുന്നു. പ്രണയവും വിവാഹവും വേര്‍പിരിയലുമെല്ലാം പാപ്പരാസികള്‍ ആഘോഷമാക്കുകയും ചെയ്തതാണ്. ഇത് സാധാരണക്കാര്‍ക്കിടയിലും പല ഊഹോപോഹങ്ങള്‍ക്കും കാരണമായിരുന്നു. ഇപ്പോള്‍ താരം ഗര്‍ഭിണിയാണ്.

ഇപ്പോള്‍ തന്റെ കുടുംബത്തെക്കുറിച്ച് സംസാരിക്കുകയാണ് അമല പോള്‍. അച്ഛന് താന്‍ സിനിമയിലേക്ക് വരുന്നത് പേടിയായിരുന്നു എന്നാണ് താരം പറയുന്നത്. മിഡില്‍ ക്ലാസ് ഫാമിലി ആയിരുന്നു തന്റെത്. കുടുംബത്തില്‍ നിന്നും ആരുമില്ല. എന്നാല്‍ ഫീല്‍ഡില്‍ എത്തി സിനിമകള്‍ വിജയിച്ചതോടെ അച്ഛന് പ്രശ്‌നങ്ങള്‍ ഇല്ലാതായി എന്നും താരം പറയുന്നു.