വേദനയും പീഡനവും ഇപ്പോഴും തുടരുകയാണ്; മനസ് തുറന്ന് ആര്യ

ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും പ്രിയപ്പെട്ട താരമാണ് ആര്യ ബാബു. ബഡായി ബംഗ്ലാവ് എന്ന ഏഷ്യാനെറ്റിലെ പരിപാടിയാണ് ആര്യയെ കൂടുതല്‍ ശ്രദ്ധേയമാക്കിയത്. പിന്നീട് ആര്യ ബഡായി എന്ന പേരില്‍ അറിയപ്പെടാന്‍ തുടങ്ങി.

മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാര്‍ത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു.

ഇപ്പോള്‍ ബിഗ് ബോസിനെക്കുറിച്ച് ചോദിച്ചപ്പോള്‍ താരം പറഞ്ഞ മറുപടിയാണ് ഏറെ വൈറലായിരിക്കുന്നത്. ബിഗ് ബോസ് തനിക്ക് വേദനകള്‍ മാത്രമാണ് സമ്മാനിച്ചത് എന്നാണ് ആര്യ പറയുന്നത്. ഇപ്പോള്‍ തനിക്കെതിരെ തുടരുന്ന വെറുപ്പും സൈബര്‍ ആക്രമങ്ങളും അങ്ങനെ എല്ലാം. ഞാനുണ്ടാക്കിയ നല്ല ഓര്‍മ്മകളെല്ലാം ഇതിനിടെ തകര്‍ന്നു പോയിരുന്നു. ഞാന്‍ കടന്നു പോയ വേദനയും പീഡനവും വളരെ വലുതായിരുന്നു. അതിപ്പോഴം തുടരുന്നുവെന്നതാണ് കൂടുതല്‍ വേദനിപ്പിക്കുന്നത്. നിര്‍ഭാഗ്യവശാല്‍ ബിബി 2വിനെക്കുറിച്ച് ചിന്തിക്കുമ്പോള്‍ മനസിലേക്ക് വരുന്നത് അത് മാത്രമാണെന്നാണ് ആര്യ പറഞ്ഞത്.