മരിക്കുന്നതിന് മുമ്പ് ഒരുപാട് സംസാരിക്കാനുണ്ടെന്ന് സുബി പറഞ്ഞിരുന്നു, പക്ഷേ കാണാന്‍ പറ്റിയില്ല: മഞ്ജു പിള്ള

ആരാധകര്‍ക്ക് ഏറെ പ്രിയങ്കരിയായ നടിയാണ് മഞ്ജു പിള്ള. സീരിയലിലൂടെയും സിനിമയിലും ആരാധകരെ ഒത്തിരി ചിരിപ്പിക്കാന്‍ താരത്തിന് സാധിച്ചിട്ടുണ്ട്. ഹോം എന്ന സിനിമയിലും മികച്ച പ്രകടനമായിരുന്നു മഞ്ജു കാഴ്ചവെച്ചത്.

നാടകത്തിലൂടെയാണ് താരം സിനിമയിലേക്ക് എത്തുന്നത്. ഛായാഗ്രാഹകനായ സുജിത്ത് വാസുദേവനാണ് മഞ്ജു പിള്ളയുടെ ഭര്‍ത്താവ്. ഇവര്‍ക്ക് ഒരു മകളുമാണ് ഉള്ളത്.

ഇപ്പോള്‍ അന്തരിച്ച നടി സുബിയെക്കുറിച്ച് പറയുകയാണ് താരം. മരിക്കുന്നതിന് മുമ്പ് തന്നെ കാണണം എന്നും ഒരുപാട് സംസാരിക്കാന്‍ ഉണ്ടെന്നും സുബി പറഞ്ഞിരുന്നു. എന്നാല്‍ കാണാന്‍ ചെല്ലാം എന്ന് പറഞ്ഞ ദിവസമാണ് അവള്‍ മരിക്കുന്നത്. ഒന്ന് കണ്ട് സംസാരിക്കാന്‍ പറ്റാത്തതില്‍ തനിക്ക് വലിയ കുറ്റബോധം ഉണ്ടെന്നും താരം പറയുന്നു.