സിനിമ റിലീസ് ചെയത് രണ്ട് ദിവസം കഴിഞ്ഞ് മതി റിവ്യൂ: അമിക്കസ് ക്യൂറി

സിനിമാ നിരൂപണ വിവാദത്തില്‍ തീരുമാനവുമായി അമിക്കസ് ക്യൂറി. സിനിമ റിലീസ് ചെയ്ത് രണ്ട് ദിവസത്തിന് ശേഷമേ വ്‌ലോഗര്‍മാര്‍ നിരൂപണം നടത്താവൂ എന്നാണ് അമിക്കസ് ക്യൂറി വ്യക്തമാക്കിയിരിക്കുന്നത്.

സിനിമയുടെ ഉള്ളടക്കം വെളിവാക്കുന്ന കാര്യങ്ങള്‍ ഒഴിവാക്കുക, വ്യക്തിഗത ആക്രമണങ്ങളും മോശം പരാമര്‍ശങ്ങളും നടത്താതിരിക്കുക തുടങ്ങി പത്തോളം നിര്‍ദേശങ്ങളാണ് റിപ്പോര്‍ട്ടില്‍ പറഞ്ഞിരിക്കുന്നത്.

മലയാളത്തില്‍ പുറത്തിറങ്ങുന്ന ചിത്രങ്ങളെ റിവ്യു ബോംബിംഗ് നടത്തി തകര്‍ക്കുകയാണെന്ന് ആരോപിച്ച് നിര്‍മാതാക്കള്‍ ഹൈക്കോടതിയെ സമീപിച്ചിരുന്നു. ഇതിന് പിന്നാലെ അമിക്കസ് ക്യൂറിയെ ഹൈക്കോടതി നിയോഗിച്ചത്.