ഭര്‍ത്താവ് ഗള്‍ഫില്‍, മകനെ എവിടെയോ കൊണ്ടുവിട്ടു; കമന്റിന് മറുപടിയുമായി മഞ്ജു പത്രോസ്

പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് മഞ്ജു പത്രോസ്. ഒരു റിയാലിറ്റി ഷോയിലൂടെയാണ് മഞ്ജു ടെലിവിഷന്‍ ലോകത്തേക്ക് എത്തിയത്. അതിനുശേഷം ചില ഹാസ്യ പരമ്പരകളിലും പിന്നീട് സിനിമയിലും എത്തി.

ബിഗ്‌ബോസ് സീസണ്‍ രണ്ടിലെ ഒരു പ്രധാന മത്സരാര്‍ത്ഥി കൂടിയായിരുന്നു മഞ്ജു. എന്നാല്‍ വലിയ വിവാദങ്ങളായിരുന്നു ഷോയിലൂടെ മഞ്ജുവിന് നേരിടേണ്ടി വന്നത്. ഇപ്പോള്‍ തന്റെ ജീവിതത്തെക്കുറിച്ച് സംസാരിക്കുകയാണ് മഞ്ജു. താന്‍ ഇപ്പോഴും ബോഡിഷെയിമിങ് നേരിടുന്നുണ്ടെന്ന് തുറന്നു പറയുകയാണ് മഞ്ജു.

ഇപ്പോള്‍ ഭര്‍ത്താവിനും മകനും എതിരെ വന്ന മോശം കമന്റിന് മറുപടി പറയുകയാണ് താരം. ഭര്‍ത്താവിനെ ഗള്‍ഫിലേക്ക് പറഞ്ഞുവിട്ടു മകനെ എവിടെയോ കൊണ്ടുവിട്ടു എന്നായിരുന്നു കമന്റ്. സാധാരണ ചീത്തവിളികള്‍ തന്നെ ബാധിക്കാറില്ല. എന്നാല്‍ ഈ കമന്റ് തന്നെ വേദനിപ്പിച്ചു എന്നാണ് താരം പറയുന്നത്.