ധനുഷിന്റെ ഭാര്യയാവാന്‍ പോവുകയാണെന്ന് കഥ എങ്ങനെ വന്നെന്ന അറിയില്ല: മീന

പ്രേക്ഷകര്‍ക്ക് ഏറെ പ്രിയങ്കരിയായ നടിയാണ് മീന. നെഞ്ചങ്ങള്‍ എന്ന തമിഴ് സിനിമയില്‍ ബാലനടിയായി അഭിനയിച്ചാണ് മീന തന്റെ ചലച്ചിത്രജീവിതം തുടങ്ങിയത്. ശിവാജി ഗണേശനായിരുന്നു ഈ ചിത്രത്തിലെ നായകന്‍.

കരിയറില്‍ തിളങ്ങി നില്‍ക്കുന്ന സമയത്തായിരുന്നു താരത്തിന്റെ വിവാഹം. പിന്നാലെ കുഞ്ഞും ജനിച്ചു. എന്നാല്‍ ഇടവേളകളില്‍ എല്ലാം മീന സിനിമയില്‍ അഭിനയിച്ചിരുന്നു. പക്ഷേ അതിലിടയ്ക്കാണ് മീനയ്ക്ക് ഭര്‍ത്താവിനെ നഷ്ടമാകുന്നത്.

ഭര്‍ത്താവ് മരിച്ച് അധികം കഴിയുന്നതിന് മുന്‍പ് നടി അഭിനയിക്കാന്‍ പോയതാണ് പലരെയും ചൊടിപ്പിച്ചത്. പിന്നാലെ പ്രമുഖരായ പല നടന്മാരുടെയും പേരിനൊപ്പം ഗോസിപ്പുകള്‍ വന്നു. അതില്‍ പ്രധാനം നടന്‍ ധനുഷും മീനയും വിവാഹിതരാവാന്‍ പോവുകയാണെന്നതാണ്. അത്തരത്തില്‍ കഥകള്‍ വന്നതെങ്ങനെയാണെന്ന് തനിക്ക് പോലും അറിയില്ലെന്നാണ് നടിയിപ്പോള്‍ പറയുന്നത്.