വണ്ണം കുറഞ്ഞപ്പോള്‍ ഓപ്പറേഷന്‍ ചെയ്‌തോ എന്ന് ചോദിച്ചു: കീര്‍ത്തി സുരേഷ്

ആരാധകര്‍ക്ക് ഏറെ പ്രിയങ്കരിയായ നടിയാണ് കീര്‍ത്തി സുരേഷ്. കുട്ടിക്കാലത്ത് തന്നെ അഭിനയ രംഗത്തേക്ക് കടന്നു വന്ന കീര്‍ത്തി സുരേഷ് ഇപ്പോള്‍ മലയാളത്തില്‍ നിന്നും മാറി തെന്നിന്ത്യന്‍ സിനമാലോകം കീഴടക്കിയിരിക്കുകയാണ്. അന്യഭാഷകളില്‍ നല്ല വേഷങ്ങളാണ് താരത്തെ തേടി എത്തുന്നത്.

ലീഡ് റോളില്‍ ആദ്യമായി കീര്‍ത്തി സുരേഷ് അഭിനയിക്കുന്നത് മോഹന്‍ലാല്‍ ചിത്രം ഗീതഞ്ജലിയിലാണ്. റിങ് മാസ്റ്ററിലെ പ്രകടനം ശ്രദ്ധ നേടിയതോടെ താരം തമിഴിലേക്കും തെലുങ്കിലേക്കും ചുവട് മാറ്റി.

ഇപ്പോള്‍ താന്‍ വണ്ണം കുറച്ചപ്പോള്‍ നേരിട്ട ചോദ്യങ്ങളെക്കുറിച്ച് സംസാരിക്കുകയാണ് കീര്‍ത്തി. ആദ്യമായി വണ്ണം കുറച്ചപ്പോള്‍ എന്തെങ്കിലും ഓപ്പറേഷന്‍ ചെയ്‌തോ എന്ന് ഒരുപാട് പേര്‍ ചോദിച്ചു. മുഖത്ത് പോലും ഞാനൊന്നും ചെയ്തിട്ടില്ല. ശരീരത്തില്‍ അങ്ങനെയെന്തെങ്കിലും ചെയ്യുന്നതിനെക്കുറിച്ച് ആലോചിക്കാന്‍ പോലും പറ്റില്ല. ഫിറ്റ്‌നെസിലേക്ക് തന്റേത് വ്യത്യസ്തമായ യാത്രയായിരുന്നു. ആദ്യം വല്ലാതെ വണ്ണം കുറച്ചു. പിന്നീട് തിരിച്ച് വന്നു. ഇപ്പോള്‍ ഞാനെന്റെ ശരീരം മുഴുവനായും മനസിലാക്കുന്നെന്ന് കരുതുന്നെന്നും കീര്‍ത്തി സുരേഷ് വ്യക്തമാക്കി.