Malaikottai Vaaliban
മോഹന്ലാലിനെ നായകനാക്കി ലിജോ ജോസ് പെല്ലിശ്ശേരി സംവിധാനം ചെയ്ത മലൈക്കോട്ടൈ വാലിബന് രണ്ടാം ഭാഗം ഉടനില്ല. രണ്ടാം ഭാഗം അല്പ്പം കൂടി കഴിഞ്ഞ് ആലോചിച്ചാല് മതിയെന്നാണ് അണിയറ പ്രവര്ത്തകരുടെ തീരുമാനം. പ്രതീക്ഷിച്ച അത്ര കളക്ഷന് ആദ്യ ഭാഗത്തിനു ലഭിക്കാത്തതിനാല് ആണ് രണ്ടാം ഭാഗത്തെ കുറിച്ചുള്ള ചര്ച്ചകളില് നിന്ന് നിര്മാതാക്കള് പിന്മാറിയത്. ആദ്യ ഭാഗത്തിന്റെ കളക്ഷന് നോക്കിയായിരിക്കും രണ്ടാം ഭാഗത്തിന്റെ കാര്യത്തില് തീരുമാനമെടുക്കുകയെന്ന് നിര്മാതാവ് ഷിബു ബേബി ജോണ് നേരത്തെ പറഞ്ഞിരുന്നു.
അതേസമയം സാമ്പത്തികമായി വലിയ പരാജയമായിരിക്കുകയാണ് വാലിബന്റെ ആദ്യ ഭാഗം. സാക്നില്ക്ക് റിപ്പോര്ട്ട് പ്രകാരം 11 ദിവസം കൊണ്ട് വാലിബന് ഇന്ത്യന് ബോക്സ് ഓഫീസില് നിന്ന് കളക്ട് ചെയ്തത് 13.32 കോടി മാത്രമാണ്. ആഗോള തലത്തില് ചിത്രത്തിന്റെ ബോക്സ് ഓഫീസ് കളക്ഷന് 30 കോടിക്ക് മാത്രം താഴെയാണ്. ചിത്രത്തിന്റെ വേള്ഡ് വൈഡ് ബിസിനസ് കൂടി പരിഗണിച്ചാലും മുടക്കുമുതല് തിരിച്ചു പിടിക്കാന് സാധിച്ചിട്ടില്ല. 50 കോടിയില് അധികമാണ് വാലിബന്റെ ചെലവ്. മാര്ച്ച് ആദ്യ വാരത്തോടെ വാലിബന് ഒടിടി പ്ലാറ്റ്ഫോമില് എത്തിയേക്കും.
നടി റായി ലക്ഷ്മിയുടെ ഏറ്റവും പുതിയ ഇൻസ്റ്റഗ്രാം…
മലയാള സിനിമയിലെ ശ്രദ്ധേയ നടിയായ ഗായത്രി ആര്.…
നടി ശ്രുതി ഹാസന് പങ്കുവെച്ച പുതിയ ഫോട്ടോഷൂട്ട്…
ശ്രീവിദ്യ മുല്ലശ്ശേരി ഭര്ത്താവ് രാഹുല് രാംചന്ദ്രനൊപ്പം പാരിസ്…
മമ്മൂട്ടി നായകനായ കറുത്ത പക്ഷികള് എന്ന ചിത്രത്തില്…