ബിക്കിനി ഇടാനും കാമസൂത്രയുടെ പരസ്യം ചെയ്യാനും ഇപ്പോഴും മടിയില്ല: ശ്വേത മേനോന്‍

ഗ്ലാമറസ് വേഷങ്ങിലും നാടന്‍ വേഷങ്ങളിലും ഒരു പോലെ തിളങ്ങി താരമാണ് ശ്വേത മേനോന്‍. മോഹന്‍ലാല്‍, മമ്മൂട്ടി, സുരേഷ് ഗോപി തുടങ്ങി മലയാളത്തിലെ മുന്‍നിര താരങ്ങള്‍ക്കൊപ്പമെല്ലാം ശ്വേത അഭിനയിച്ചിട്ടുണ്ട്.

അനശ്വരം എന്ന ചിത്രത്തില്‍ മമ്മൂട്ടിയുടെ നായികയായാണ് ശ്വേത സിനിമാ രംഗത്ത് ശ്രദ്ധിക്കപ്പെട്ടത്. മോഡലിങ്ങിലൂടെയാണ് താരം അഭിനയ ലോകത്തേക്ക് എത്തുന്നത്. പാലേരിമാണിക്യം ഒരു പാതിരാകൊലപാതകത്തിന്റെ കഥ, സോള്‍ട്ട് ആന്റ് പെപ്പര്‍, കയം എന്നിവയാണ് ശ്വേതയുടെ കരിയറിലെ ഏറ്റവും ചര്‍ച്ച ചെയ്യപ്പെട്ട സിനിമകള്‍.

കരിയറിന്റെ തുടക്കത്തില്‍ ശ്വേത മേനോന്‍ കാമസൂത്രയുടെ പരസ്യത്തില്‍ അഭിനയിച്ചിരുന്നു. ഇത് വലിയ വിവാദങ്ങള്‍ക്കും കാരണമായി. എന്നാല്‍ വേണ്ടി വന്നാല്‍ ഇപ്പോഴും അത്തരം പരസ്യത്തില്‍ അഭിനയിക്കാന്‍ തനിക്ക് മടിയില്ലെന്നാണ് ശ്വേത മേനോന്‍ പറയുന്നത്.