ആദ്യ ബന്ധത്തിലെ തെറ്റിനുള്ള ശിക്ഷയായിക്കാം ഇത്: ആര്യ

ടെലിവിഷന്‍ അവതാരക, അഭിനയേത്രി എന്നീ നിലകളിലെല്ലാം എല്ലാവര്‍ക്കും പ്രിയപ്പെട്ട താരമാണ് ആര്യ ബാബു. ബഡായി ബംഗ്ലാവ് എന്ന ഏഷ്യാനെറ്റിലെ പരിപാടിയാണ് ആര്യയെ കൂടുതല്‍ ശ്രദ്ധേയമാക്കിയത്. പിന്നീട് ആര്യ ബഡായി എന്ന പേരില്‍ അറിയപ്പെടാന്‍ തുടങ്ങി.

മോഡലിംഗിലൂടെയാണ് ആര്യ അഭിനയ രംഗത്തേക്ക് എത്തുന്നത്. ജനപ്രിയ റിയാലിറ്റി ഷോയായ ബിഗ് ബോസ് മലയാളത്തിന്റെ രണ്ടാം പതിപ്പിലെ ഒരു മത്സരാര്‍ത്ഥി കൂടിയായിരുന്നു ആര്യ. താരത്തിന്റെ ബിഗ് ബോസിലെ പ്രകടനവും ഏറെ പ്രശംസ പിടിച്ചു പറ്റിയിരുന്നു.

ഇപ്പോള്‍ പങ്കാളി തന്നെ ഉപേക്ഷിച്ചതിനെക്കുറിച്ചും മറ്റൊരു സ്ത്രീക്കൊപ്പം പോയതിനെക്കുറിച്ചും സംസാരിക്കുകയാണ് ആര്യ. അത്രയും സ്‌നേഹിച്ചിരുന്ന വ്യക്തിയാണ് തന്നെ ഒന്നുമല്ലാതാക്കി സുഹൃത്തിനൊപ്പം ജീവിക്കാന്‍ തുടങ്ങിയതെന്നാണ് മൈല്‍സ്റ്റോണ്‍ മേക്കേഴ്‌സിന് നല്‍കിയ പുതിയ അഭിമുഖത്തിലൂടെ ആര്യ പറഞ്ഞത്. മാത്രമല്ല ആദ്യത്തെ റിലേഷന്‍ഷിപ്പില്‍ സംഭവിച്ചതിന് എനിക്ക് കിട്ടിയ ശിക്ഷയായിരിക്കാം രണ്ടാമത്തെ റിലേഷന്‍ഷിപ്പിലുണ്ടായതെന്നും നടി കൂട്ടിച്ചേര്‍ത്തിരിക്കുകയാണ്.