മലയാളികള്ക്ക് എക്കാലവും പ്രിയപ്പെട്ട നടനാണ് ജയറാം. 1988ല് പദ്മരാജന് സംവിധാനം ചെയ്ത അപരന് എന്ന ചലച്ചിത്രത്തില് നായകവേഷം ചെയ്തുകൊണ്ടാണ് സിനിമയില് എത്തിയത്. അതിനു മുന്പ് മിമിക്രി വേദികളിലും താരം സജീവമായിരുന്നു.
സത്യന് അന്തിക്കാട്, രാജസേനന് തുടങ്ങിയ പ്രശസ്ത മലയാളചലച്ചിത്രസംവിധായകരുടെ ധാരാളം ചിത്രങ്ങളില് ജയറാം അഭിനയിച്ചിട്ടുണ്ട്. ഇവയില് മിക്കവയും ഉന്നത വിജയം കൈവരിച്ച ചിത്രങ്ങളായിരുന്നു. വീണ്ടും ചില വീട്ടുകാര്യങ്ങള്, സന്ദേശം, മേലേപ്പറമ്പില് ആണ്വീട് തുടങ്ങിയ ചിത്രങ്ങള് ഇവയില് ചിലതു മാത്രമാണ്.
ഇപ്പോള് സിനിമാ ജീവിതത്തില് തനിക്ക് സംഭവിച്ച വീഴ്ചയെക്കുറിച്ച് സംസാരിക്കുകയാണ് താരം. 1988 തൊട്ട് ഏകദേശം 20 വര്ഷത്തോളം എനിക്ക് തിരിഞ്ഞ് നോക്കേണ്ടി വന്നിട്ടില്ല. പത്മാരാജന് സര്, ഭരതേട്ടന്, ഐവി ശശി, സിബി മലയില്, കമല്, രാജസേനന്, സത്യന് അന്തിക്കാട് തുടങ്ങിയ സംവിധായകരാണ് അതിന് കാരണം. ആ വര്ഷങ്ങള്ക്ക് ശേഷമാണ് മാറ്റി ചെയ്യുന്നത്. അതില് പരാജയങ്ങള് സംഭവിച്ചു. കുറേ വര്ഷം ഒരേ ജോലി ചെയ്യുമ്പോള് ആര്ക്കും തെറ്റ് സംഭവിക്കാം. എനിക്കങ്ങനെ കൂടെ ഒരുപാട് പേര് ഇല്ല. അങ്ങനെയില്ലാത്ത ഏക ആള് മലയാള സിനിമയില് ഞാന് മാത്രമായിരിക്കും. എനിക്ക് മാനേജരില്ല.
കഥ കേള്ക്കാനോ ഡേറ്റ് നോക്കാനോ ആരുമില്ല. 35 വര്ഷമായി ഞാന് തന്നെയാണ്. എനിക്ക് എന്നും ഒരു നമ്പര് തന്നെയാണ്. അതിലേക്ക് വിളിക്കും, ഞാന് തന്നെ സംസാരിക്കും. മറ്റ് ഭാഷകളില് സിനിമ ചെയ്യുമ്പോള് മാനേജര് ഇല്ലേയെന്ന് അവരും ചോദിക്കുെമെന്നും ജയറാം വ്യക്തമാക്കുന്നു.
മലയാള സിനിമയിലെ ശ്രദ്ധേയ നടിയായ ഗായത്രി ആര്.…
നടി ശ്രുതി ഹാസന് പങ്കുവെച്ച പുതിയ ഫോട്ടോഷൂട്ട്…
ശ്രീവിദ്യ മുല്ലശ്ശേരി ഭര്ത്താവ് രാഹുല് രാംചന്ദ്രനൊപ്പം പാരിസ്…
മമ്മൂട്ടി നായകനായ കറുത്ത പക്ഷികള് എന്ന ചിത്രത്തില്…